تنبيه هام ...
---------------------
أى شخص يتعامل ف بيع أو شراء
مع حد سواء من أولكس أو الفيسبوك أو أى موقع
يراعى كذا حاجه .. و دا نظرا للجرائم إلى بتحصل سواء قتل أو سرقه
ف بلاوى عايشين وسطنا و برده ف ناس كويسه كتير
لذلك الحذر واجب .. و ربنا يسترها ...
....................................................................
1 - يكون الشخص دا تاجر معروف .. و دا هتعرفه إما من إسمه و رقم تليفونه
أو من إعلاناته .. أو صفحته الشخصيه على الفيس .. أو أراء الناس إلى إتعاملوا معاه
و لو هو مش حد معروف أوى .. فـ ع الاقل هيكونله صفحه تبين هويته
و ممكن تسأل حد من الفرندس بتوعه أو من الجروبات إلى هو مشترك فيها عنه
و تشوف كل إعلاناته .. و هل سعره أو منتجه مبالغ فيهم و لا طبيعي
2 - يكون ف حد عارف تحركك و خط سيرك بـ الكامل
و لو تقدر تاخد معاك صاحبك أو أخوك يكون أفضل
و ممكن تنزل Life 360 ع موبايلك - دا أبلكيشن تحديد مكان
بمجرد ما تفتح النت و ال GPS ع موبايلك
أى شخص إنت ضايفه ع البرنامج يقدر يعرف إنت فين بالظبط بكل سهوله
3 - متقابلش حد ف مكان بعيد .. يقولك ع الصحراوى أو الدائرى أو حاجات شبه كدا
دا إخلع منه ع طول بدون تفكير
المقابلات لو ف الشارع .. تكون ف ميدان عام معروف .. أو داخل و أمام محطات المترو
و لو هتتقابل ف بيت يبقى إتبع التعليمات إلى قلناها فوق ...
4 - متبعتش فلوس مقدما لأى حد إلا لو تعرفه .. أو حد من صحابك يعرفه
أو هو بياع معروف و سمعته كويسه و عليه أراء إيجابيه من ناس إتعاملت معاه
مهما كان العرض مغرى .. لو متوفرتش الشروط دى .. متبعتش و لو جنيه
.......................................................................
الله يرحم إلى مات .. نحتسبه شهيد 🙁
و يعوض ع أى حد إتسرق و إتنصب عليه ...
تعليقات
إرسال تعليق
سيب أستفسارك وهرد عليك يانجم