صباح الفل عليكم 😍
بوست ماكر ف الصباح الباكر 😉
-----
الصين و بنوكها من ناحية ، و العبقري إيلون ماسك من ناحية
بعد تصريحاتهم الشرسة ضد العملات الرقمية
إنهم مش هيستخدموها ف تعاملاتهم
و لمحوا إنهم هيصفوا و يبيعوا مخزونها إللي عندهم 😱
كانت الضربة القاضية لـ سوق العملات الرقمية بشكل عام
و من أكبر أسباب إنخفاض البيت كوين بنسبة 35% من قيمته تقريباً
الرقم الضخم إللي أثر جداً ف العملة بـ السلب
تخيل مثلاً إن العملة كانت بـ 61.000 دولار = 950.000 جنيه ، تقريباً
و النهاردة بـ 38.000 دولار = 590.000 جنيه ، تقريباً
-----
سوق العملات الرقمية دا أشبه بـ البورصة
مع زيادة المخاطرة و عدم الإستقرار و فرص المكسب و الخسارة 🧐
حظوظ بـ نسبة كبيرة و معتمد ع المستثمرين و الشركات و توجهاتهم
زي ما حصل من فترة لما إيلون ماسك ذكر بيت كوين ، ف تويتة
العملة رفعت بشكل غير طبيعي ، و دلوقتي لما وقف تعامل بيها
سواء هو أو البنك الصيني ، العملة وقعت بدرجة كبيرة 🤨
------
يا ترى ليه غيروا توجهاتهم و إيه سر الإنقلاب دا ؟
إنت متخيل إن إقتصاد ضخم و فلوس بـ المليارات
متوقفين ع تصريح و كلمة من شخص أو إتنين !!!
أهـ بالظبط هو إللي جه ف بالك
زينا كدا ف شهاب كمبيو ، السوق كله واقف ع تصريح و كلمة مننا 😎
--------
طبعاً بعد الحرب القذرة من شركات الكروت و إستغلال الموقف
مبقتش أشوف فيهم خير خالص 🙁
تفتكروا لو العملة واصلت الهبوط أكتر
و رجعت لمعدلاتها العادية ما قبل الأزمة
هل سعر الحاجة هيرجع زي ما كان قبل الأزمة !
و لا دا شئ مستحيل ؟
توقعي الشخصي إنه هيفرق ف التوافر أكتر منه ف السعر
و إن السعر صعب جداً يرجع لمعدلاته القديمة
إلا إذا توفر جيل جديد نسف كل شئ قبله
و حقق المعادلة المستحيلة و هي ( خدمة المستهلك ) 🙁
شاركوني بـ رأيكم ف الموضوع الشيق قمد دا ♥
تعليقات
إرسال تعليق
سيب أستفسارك وهرد عليك يانجم