صباح الفل ♥
كم خبر عجيب و غريب ف السريع 😃
----
شركة دجاج كنتاكي KFC
بالتعاون مع شركة كولر ماستر Coolermaster
عملت جهاز للجيمز ، كونسول جديد
و يُقال إن فيه مكان لحفظ الأكل سُخن كمان 🙄
دي مش قلشة دا خبر حقيقي 🧐
المثير للدهشة إنهم قالوا إن الجهاز الغريب دا
هيقدر يشغل الألعاب بمعدل 240 فريم ع دقة 4K
إللي هو أقوى من PS5 - XBOX X !!!
مفيش إلا تفاصيل بسيطة عن إمكانياته
زي إنه هيكون فيه كارت شاشة من Nvidia
من تصنيع شركة ASUS
و إنه هييجي بـ هاردين SSD 1TB
من تصنيع شركة Barracuda
أدينا مستنيين الجهاز بس يارب ييجي كومبو بـ البيبسي
هوخيهوهو هو ، قلش قمد 🤣
---------------
الروبوتات بقت بتشارك فعلياً ف أعمال البناء
ف تطور كبير شاركت روبوتات ف دولة الإمارات ف عمليات البناء
و إرسال التقارير للمدير ، و عمل بعض المهمات البسيطة
لتوفير العمالة فيها
بعد ما كانت كل وظيفة الروبوتات
هي عمل الثقوب و الفتحات الصغيرة فقط بدون تعدد مهام
خصوصاً من فترة بداية الوباء و التباعد الإجتماعي
فـ كان التفكير ف الروبوتات و تطويرها هو أمر مطلوب جداً
و الموضوع دا إتقابل بـ ترحيب كبير من العمال
لإنهم قالوا إن الكلام مع روبوت أفضل من الكلام مع المدير
و دا برضو بجد مش قلش 😁
-----------
كوريا عملت شمس صناعية قدرت تحافظ ع البلازما و حرارتها العالية
و سجلت درجة حرارة أيون 100 مليون درجة مئوية لمدة 20 ثانية !!!
دا كان من خلال مركز أبحاث KSTAR في بحث مشترك
مع جامعة سيول الوطنية SNU
و جامعة كولومبيا في الولايات المتحدة
و دا من أهم الشروط الأساسية للاندماج النووي
ف حملة KSTAR Plasma 2020
و هدف الأبحاث دي هو تسخير طاقة الاندماج
و دا ممكن يأدي لـ ثورة كاملة ف كيفية حصول العالم ع قوته
و إكتشافات كبيرة فيما يخص الشمس و إنفجاراتها و الطاقة بتاعتها
و خطوة العلماء الجاية ، هي إنهم يشغلوا الشمس تاني
بس المرة دي لمدة 300 ثانية !
يارب ما يولعوا ف الكوكب بس و حاجة تيجي ف وشنا
إحنا غلابة يا رب ملناش ف حاجة 🤣
--------------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت للواقع بـ صلة
و لايك و شير برضو متبقاش غلس 😃
تعليقات
إرسال تعليق
سيب أستفسارك وهرد عليك يانجم