البيتكوين معدي الـ 30 ألف دولار و مكمل !
يعني حوالي نص مليون جنيه مصري !
الخبر العظيم بالنسبة لأصحاب الريجات و المُعدنين
إكرمهم يا رب 😃
ما أشبه الليلة بالبارحة ، و ياترى هيروح فين سوق كروت الشاشة ؟
-----
كل ما أفتكر الأستاذ المحترم إللي كان من كذا سنة بيشتري مني
كروت R9 بأنواعها و بكميات كبيرة و مبيفاصلش ف جنيه
و أنا مش فاهم بياخدها ليه بالشكل دا ، و فرحان بالبيع 🤪
و حاولت كذا مرة أنبهه إن ف جيل جديد نازل
و إنه ميصحش ياخد كروت هتقدم بالكميات دي
فـ رد و قالي إنه شغال ف شركة محاصيل زراعية
و هما طالبين الكروت دي ب الاسم عشان مكن المحاصيل 😂
و بعد أبحاث شهابية اكتشفت انه عامل مزرعة تعدين و بيشتغلني
و كان بيداري ع الموضوع لإن مكنش ف حد عارفه أوي
نفسي أعرف هو فين أو أوصله عشان أبعتله كوزين درة هدية
لشركة المحاصيل الزراعية بتاعته 🤣
تعليقات
إرسال تعليق
سيب أستفسارك وهرد عليك يانجم