تسريبات عن كارت جديد من NVIDIA
إللي هي كروتها أصلاً مش متوفرة حتى الأن
و كمياتها بتخلص قبل ما بنوصل للمحل عشان نشتريها
النسخ محدودة جداً ، دا ف كل العالم مش مصر فقط
لكن هنا الإحترام بزيادة شويتين
خصوصاً بعد إرتفاع التعدين مؤخراً ، و شكلنا داخلين ع أزمة كبيرة
الحل و كلمة السر فيها ، الشركات المُصنعة AMD - NVIDIA
هل هيطلعوا محترمين و يسيطروا ، و لا الفلوس بس هي إللي هتتكلم 🙁
------
الكارت الجديد من فئة الـ 3060 ، هييجي بـ إسم ألترا !
كدا يبقى عندنا 3 كروت / 3060 - 3060ti - 3060 ULTRA
و إللي نزل رسمياً حتى الأن هو الـ ti فقط
الكارت الألترا الجديد مفروض إنه بين الـ 3070 و الـ ti ، كـ قوة
و هيبقى 12 جيجا رام ، و 192بت ميموري باص
سعره المتوقع هيكون / 300 دولار !
يعني أرخص بـ 100 دولار من الـ ti !
مش فاهم إزاي أقوى و أرخص ، و لا الحوار فين !
متوقع نزول النسخة الألترا دي ف الربع الثاني من 2021
و عموماً هنعرف كل شئ أول ما الكروت كلها تتوفر ف الأسواق
-----
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت للواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم