مش بحب أعلق ع بوستات صفحات عشان مشهرهمش 😃
و يقولوا شهاب إتكلم عننا و بتاع ، بس فعلاً الموضوع محتاج تعليق
العروض ف مصر ، إستغفال من التجار لـ اليوزر
و لما اليوزر يفوق ، يروح يستنصح ع التجار الكويسة
منظومة عك ف عك بصراحة ، و كله مسؤل عن الكلام دا
ف الظروف العادية خالص و بدون أي عرض
المعالج سعره الأصلي / 2750 جنيه
و لو الدنيا تمام ف تجميعة ممكن يوصل / 2700 جنيه
-------
نيجي ع العرض العظيم هنا و نشوف إيه الشروط
مع إن العروض المشروطة و المُقيدة لا تعتبر عروض أصلاً
أنا عاوز شروط لذيذة كدا ، إعمل لايك و شير ، إشتري قطعة واحدة
لكن أي حاجة برا الكلام دا يبقى بلح و مفيش عرض من الأساس
بس خلينا نشوف /
1 / يجب شراء 4 قطع مختلفة غير مكررة مع العرض
و تتجاوز قيمتهم 6000 جنيه ، يعني 6100 جنيه مثلاً
يعني أنا مواطن صالح و رايح اشتري المعالج دا ف تجميعة كاملة !
مش هطلبه لوحده عشان ظروف الهاردوير العالمية
هشتري أرخص قطع لتكملة التجميعة /
بوردة 1400 + رام 550 + كيسة كومبو 1500 + اس اس دي 400
هنيجي نحسبهم كدا / 3850 جنيه ! مش هستفيد بـ العرض 🙁
طيب هزود هارد تيرا / 650 جنيه ، = 4500 جنيه !
برضو مش هستفيد بـ العرض 🙂
------
طيب فين العرض أصلاً ! العرض وهمي
و بيجبرك إما تاخد بوردة و كيسة عاليين ف تجميعة إقتصادية !
أو بيجبرك تشتري كارت شاشة مع التجميعة
و دا بالعافية ف عز الغلاء و ف توجيهه لكروت معينة بس عنده !
كمان لو انت مثلاً هتشتري هاردات أو رامات أو بورد ، أياً كان دماغك
و هتخليهم عندك بحيث تستفيد بـ العرض وسطهم
هتلاقي تاني بند زي الخازوق ف وشك بيوقفلك الدنيا
2 / لا يتم إحتساب أي قطع مكررة ضمن الـ أربعة 🙂
------
من الأخر ، كفاية إشتغالات للمستهلك
دا مش عرض ، دا عرض عكسي ليكم أصلاً بالكامل
بس الناس بتنخدع بالمظاهر و مش بتفهم التفاصيل أوي
إرتقوا و إحترموا عقلية الناس ، ممكن تتميز بمجرد خدمة و أسلوب
التميز سهل و صعب ف نفس الوقت ، محتاج وعي مش فلوس فقط
كفاية فنكوش ، السوق بقى ملزق
تعليقات
إرسال تعليق
سيب أستفسارك وهرد عليك يانجم