صباح الفل الأول ، إوعى كدا متمسكنيش 😃 ♥
عندي سؤال بسيط أوي ، ياريت تجاوبوني
عشان المجال إللي باظ دا بيبهرني دايماً 🙁
النسخة الموجودة لـ وندوز 11 تجريبية مُسربة !
يعني مش نهائية و فيها حاجات كتير هتتعدل
إذا كان النسخ النهائية بيحصل ليها أبديت عشان يحل المشاكل !
ما بالك بـ التجريبية أصلاً ، إذن هي مش مقياس حُكم ، متفقين 🙂
بنائاً ع إيه حضرتك بتقول رأيك فيها و بتقيم الوندوز الجديد !
تعالى هنا بس و رُد عليا ، رايح فين ؟
------
طب إنت تعرف معايير الحكم ع نظام تشغيل إيه ؟
1 / ثباته !
2 / أدائه ف الجيمز !
3 / تجربته مع دعم البرامج !
4 / الأدوات الزيادة إللي معاه !
5 / قوايم الوصول السريع جواه !
6 / البرامج الأساسية بتاعته !
7 / دعمه للأجهزة كـ هاردوير و إستغلاله للموارد
8 / تحسيناته ف الواجهة و مقارنتها مع السابق !
9 / الشكل العام و الثيم و الأيكونات !
تفاصيل كتير أوي نقيم ع أساسها نسخة وندوز كاملة 😳
-----
لما حد بيبعتلي يسألني عن وندوز 11
بقوله لما النسخة الأصلية تنزل و أجربها هنقل رأيي ليكم
دا أنا شخصياً !
و حضرتك مع خبرة (( سنة ورا شاشات و مواقع و أنبوكسنج )) 🤣
رايح تنزل بوستات و فيديوهات تقييم و شرح لـ وندوز 11 !
إللي لسة مش متوفر أصلاً بـ نسخة نهائية أصلية
هو إنت دجال يا عم و لا إيه ؟
------
حضراتكم إللي بيحصل دلوقتي دا تقييم لـ ثيم جديد مش وندوز
حتى الكلام بتاعكم 95% منه تعليق ع شكل و قايمة ستارت !
إفهموا بس الله يرضى عليكم
بطلوا فتي ، مش عشان نركب تريند
فـ نقضيها هبد عالي بالشكل دا
المجال له متخصصين ، إحترموا العلم 🧐
تعليقات
إرسال تعليق
سيب أستفسارك وهرد عليك يانجم