أخيراً شركة إنتل هتتواجد بـ (( كروت شاشة )) ف الأسواق
و هتبقى كروت قوية تنافس الكبار ، ع حد وصفهم
الجديد كمان إن الكروت دي هيبقى فيها خصائص كتيرة
زي / Ray Tracing ، خاصية الإنعكاسات !
كمان هتدعم / DirectX 12 Ultimate !
و غيرها من خصائص موازية لـ الجيل الحالي بكل مميزاته
العلامة التجارية الجديدة دي هتبقى بـ إسم / Arc Intel
و هتعتمد ع معمارية / Xe HPG
و من المتوقع إنها تتصنع بـ تكنولوجي / 6nm
لسة ف معلومات كتير هتظهر قدام ، هنتابعها معاكم
------
بشكل عام دا تحدي صعب جداً
و إعلان Intel المنافسة ف سوق يكاد يكون شبه محسوم من سنين
مغامرة و جرأة مفيش كلام ، و أعتقد هما مخططين كويس ليها
إحنا عمرنا ما شفنا منافس حقيقي ف سوق الكروت
و إتولدنا لقينا Nvidia - Amd ، عايشين لوحدهم
فـ وارد يحصل المفاجئة ، و إنتل تعمل حاجة ، الله أعلم
-----
توقعاتكم إيه للكروت دي ؟ و شايفين intel هتقدر تقدم شئ
سواء للجيمرز أو لـ صناع المحتوى ، و لا الموضوع صعب ؟
تعليقات
إرسال تعليق
سيب أستفسارك وهرد عليك يانجم