صباح الفل عليكم ♥
زي ما واضح من مجتمع التكنولوجي الجميل
إنه بيروح ف داهية زي مجتمعات تانية كتير
و الناس مُغيبة و مش بتناقش إللي بتتابعه مهما ظهرت أخطائه
إستسلام و تعريض و صفات كتير سيئة
تتلخص ف ظاهرة إسمها (( جاهلية حديثة ))
و دي بتتكرر ف مختلف العصور ، و ف حاجات أكبر من كدا كمان
ملناش دعوة يا موحيي ، ما ع الرسول إلا البلاغ
هما هيلبسوا ف الحيط ف الأخر مع نفسهم
لكننا بنخاطب الناس (( الواعية المثقفة )) إللي معانا ع البيدج
أو حتى إللي متعرفناش و بيدوروا ع الصح ، الصح و بس
بغض النظر عن مين إللي بيقدم الصح دا
--------
الناس الكويسة و المميزة أوي أصلاً مش هتلاقيها ظاهرة أوي
و دايماً تلاقي إللي ظاهرين ف كل الأوساط ، مش هما الأفضل
لكنهم إللي طفحوا علينا بـ أي وسيلة سواء مشروعة أو غير
أوقات كتير بعدي ع اليوتيوب أو الصفحات و أشوف محتوى رائع
بيفيدني جداً ، و أقول إزاي دا مش مشهور و محدش يعرفه
و ألاقي عنده عدد قليل ، و علم عظيم !
و محتوى تاني مماثل كـ شكل ، و أقل بكتير كـ قيمة
و عنده الألاف و طالع تريند ، أفلا تعقلون يا بشر !!!
فـ إوعى تعتبر أبداً إن العدد الكبير دليل ع الصح
لإنك هتبقى بتخالف كلام ربنا إللي بيقول ف عشرات الأيات
إن الأغلبية مش دايماً ع حق ، و إن القليلين هما إللي ع صواب
العدد الكبير ع حق ف حالة واحدة فقط
لما يكون ف نقاش و شورى و إجتماع ع الصح ، من أهل العلم و التقوى
وقتها تبقى قوة ف الخير فعلاً ، مش زي حالنا دلوقتي
بنلاقي تجمعات (( مزيفة جاهلة )) بتقول (( نحن غرابا عك )) ورا أشخاص
-------------
بخصوص الكلام دا ، بقالنا فترة بنحاول ندخل كذا منصة جديدة
زي الإنستجرام و المدونات ، بحيث نوصل لأكبر عدد من الناس
و ننشر وعي سليم ، و المنصات دي هنعلن عنهم قريب
بس ع وجه الأخص (( التيكتوك )) بنحاول حالياً نكون نقطة نور عليه
لإنه عليه حاجات حلوة بس قليلة أوي ، و مستخبية وسط الوحش
شغالين ع القناة بقالنا فترة مش كبيرة و قلنا نشاركها معاكم
و هيبقى عليها محتوى تكنولوجي بس بـ ستايل التيكتوك
فيديوهات خفيفة سريعة و فيها الزتونة و المفيد 🤩
------
بس متخافوش ، شهاب مش هيطلع (( يرقص )) عشان يعمل دعاية 🙂
و لا هيطلع (( يشتم )) ف شركات عشان يشدهم يتعاونوا معاه 🙂
إحنا هنقدم علم مفيد زي عادتنا و بس
ربنا قال /
(( فَأَمَّا الزَّبَدُ فَيَذْهَبُ جُفَاءً ۖوَأَمَّا مَا يَنفَعُ النَّاسَ فَيَمْكُثُ فِي الْأَرْضِ ))
و دي حكمة عظيمة قريتها /
(( العالم لن يفنى بسبب قنبلة نووية كما تقول الصحف
بل بسبب الابتذال والإفراط في التفاهة
التي ستحوّل الواقع إلى نكتة سخيفة ))
--------
لينك القناة هنسيبهولكم ف أول تعليق 👇
مستنيينكم هناك تنورونا ، و تساعدوا ف دعم محتوى
هيحسن صورة مجتمع تكنولوجي سيطر عليه الرقاصين و المنافقين
إشتراك و دعمك معناه عظيم جداً ، مش مجرد إشتراك عند شهاب
دا مساهمة ف إفادة لغيرك كتير
مش عارف قلبت ع إعلان تبرعات ليه 🤣
بس دا ميمنعش إنك لو إشتركت برضو هحبك
و هعملك شاي بلبن لو جيتلي ف أي يوم ♥
تعليقات
إرسال تعليق
سيب أستفسارك وهرد عليك يانجم