بخصوص (( الثيرمال بيست )) أو المعجون
إيه هي الطريقة الأحسن لتوزيعه ع المعالج المركزي للجهاز
عشان ناخد أحسن تبريد ممكن ؟
البوست دا مهم ، و فيه مختصر مفيد لموضوع كتير بيدوروا عليه
----------
بعد تجارب فعلية و بحث ف فيديوهات و مواضيع كتير
هقولكم إن الأصل هو طريقة الشركات نفسها
إللي مش بنركز معاها و لا بنهتم بيها أصلاً ، و هي دي الزتونة
و المُصنع نفسه هو الأدرى بـ المنتج بتاعه ، بمنتهى البساطة 😳
كل معالجات شركة AMD
هتلاقي المعجون بتاعها جاي ع المروحة الإستوك
ع شكل مربع مساوي لـ حجم المعالج ، و مفرود ب التساوي
زي ما واضح ف أول صورة تحت من ع اليمين
كمان كل معالجات شركة INTEL
هتلاقي المعجون بتاعها جاي مع المروحة الإستوك
ع شكل شبيه بـ علامة الإكس ، و مغطي الزوايا
شكل قريب لـ أول و تاني صورة تحت من ع الشمال
و هما دول الطريقتين الأفضل فعلياً ، إللي ننصحكم بيهم 🤩
فيه كذا طريقة زي باقي الصور ، و غيرهم طرق كتير
لكننا وضحنا الأحسن ف وجهة نظرنا ، و وجهة نظر الشركة المُصنعة
----------
و بالنسبة لـ معالجات كروت الشاشة
فـ هي حجمها صغير مقارنةً بالمعالج الكبير بتاعنا
فـ مش هيفرق أوي التوزيع و طريقته ، لإن نقطة صغيرة بتغرقها
بس عن نفسي بحط معجون لـ كارت الشاشة ع هيئة خط ف النص
قريب لـ شكل أول و تاني صورة فوق كدا ع اليمين
خلي بالك إن الفرق مش هيبقى خرافي زي ما متخيل ف التبريد
و لا مثلاً نقطة معجون ف النص هتعملي فرق تبريد 20 درجة
عن ما أفردها أو أعملها حرف إكس !
بس الفكرة ف إنك تكون مغطي المعالج بالكامل
و واصل لأحسن تبريد ممكن
------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ صلة 🥺
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم