شركة Asrock عملت جهاز كمبيوتر من فئة الـ (( Mini Pc ))
حجمه ع بعضه كدا أد كولر المعالج بتاعي 🤣
مع الحجم دا ، ممكن تعامله نفس معاملة الموبايل و التابلت
و هيكون مناسب جداً ، خصوصاً لإستخدامات البيزنس و الدراسة
وزن الجهاز حوالي / 1 كيلو جرام ، تقريباً
---------
الجميل فيه إنه بييجي بـ مواصفات محترمة و من أحدث الأجيال
معالج / i7 - 1165G7
رام / 32gb - Ddr4 - 3200mhz
كارت الشاشة / Intel Iris Xe
وحدة تخزين / 2tb - M.2 - PCIe 4.0
منافذ / Usb 3.2 - Usb 4
مخارج شاشة / HDMi 2.0 - DP 1.4
إستهلاك كهربا / Adapter 19v-90w
و كل دا مع إمكانية إستخدام وندوز 10 و كل دعم الكمبيوتر العادي
------------
ف كلام إنه بدون رام و وحدات تخزين ، هيبدأ من 600 دولار
و هيوصل لـ 1200 دولار مع المواصفات إللي قلناها فوق
يعني تقريباً فيما يعادل 15 - 20 ألف جنيه مصري
السعر لسة مش أكيد و هيبقى حسب تخصيص المواصفات
----
لو ليك تجربة مع الـ Mini Pc قولهالنا ، و هل ترشحه فعلاً
لإستخدامات البيزنس و الدراسة ، و لا شايفه حل مش عملي ؟
تعليقات
إرسال تعليق
سيب أستفسارك وهرد عليك يانجم