صباح الفل عليكم ♥
شئ غريب جداً لما تلاقي منتج جديد ف مكان معين
و نفس المنتج بدون أي إختلافات ، ف مكان تاني
و تلاقي فرق سعر 400 جنيه !
ف منتج سعره بالكامل أقل من 1500 جنيه !!!
حركات غير منطقية و فيها شُبهة ( نصب و إستغلال ) لـ إللي مش فاهم
أصل دا مش مُستعمل ، يعني مفيهوش فرز و لا حالة و لا تفاصيل
مين إداك الحق تغليه عن الطبيعي بـ الشكل دا !!!
تخيل إنت مدورتش و بتثق ف إسم المحل دا
و نزلت إشتريت ع طول بدون ما تدور ع الأسعار ؟
تلاقي نفسك لبست ف 400 جنيه زيادة بدون أي إستفادة !
و ما خفي كان أعظم ، دا منتج بسيط لقيته و أنا بدور بـ الصدفة
وارد ف حاجات كتير هنلاقيها لو دورنا أكتر
زي برضو مشكلة (( كيسات الهانتي كانتي )) إللي كان أخدها مننا
بـ سعر أقل من 1000ج ف الجملة ، و عرضها بـ 1600ج تقريباً للبيع !
------------
العروض الوهمية إللي بتنزل ، و الإستعانة بأشخاص مشبوهين للتسويق
و خدمة العملاء إللي زي الزفت ، و عدم المتابعة مع الناس
و مشكلة الكروت الـ 1660 سوبر التاف
إللي طلع رد و كذب و قال إنها إصدارة تانية !
بـ الإضافة لمشكلة دلوقتي ، و الكيسات من فترة
و فرق السعر الضخم ، إللي إتكرر أكتر من مرة !
كل دي سوابق جميلة للمحل دا معانا
مكناش حابين نستعجل ف الحكم
عشان كدا و أخيراً ، إحنا بنحذركم يا جماعة
من التعامل مع المكان دا ، لإنه بلاك ليست بـ النسبة لينا
قدامك بدائل كتير و السوق مفيش أكبر منه
و لو حابب تشتري منهم منتج ، لإن برضو مفيش حد سئ بـ الكامل
فـ خد ضمانك و حرص ، و راجع الأسعار ف باقي المحلات و قارن
و إستعلم عن الضمان ، و اسال عن خدمة ما بعد البيع و كل التفاصيل
و دي حاجة تعملها مع أي مكان عموماً ، حتى لو إحنا
الناس بتتعب عشان تجيب الجنيه ، و حرام ندفع زيادة قدام اللا شئ
دي كدا فلوس و مكاسب حرام لأي تاجر جشع بلا ضمير
تعليقات
إرسال تعليق
سيب أستفسارك وهرد عليك يانجم