واضح إن ف أزمة ف مواد التصنيع
و واضح إن ف إجماع ع كدا ، حسب تصريح الشركات 😃
و هي دي الجملة إللي تقولها لما تعوز تبرر أي وضع غلط
و عادي جداً ، الرز بلبن ممكن يدخل جوا مواد التصنيع
لو عندنا عزومة و محتاجينه و هنعمل من خلاله مصلحة 😉
-------
قلتلي إن عندك أزمة ، و أعلنت عن جيل جديد لكروت الشاشة
تكلفة تصنيعه أكبر من الجيل القديم !
قلتلي إن عندك أزمة ، و أعلنت عن 3 أجيال معالجات جديدة
و بتواصل خريطة العمل بتاعتك للجديد ، بدون توقف !
قلتلي إن عندك أزمة ، و أعلنت عن إعادة تصنيع جيل قديم للكروت
تكلفته تكاد تكون موازية للجيل الحالي الأفضل إللي بنفس سعره !
قلتلي إن عندك أزمة ، و البورد و المعالجات للجيل الجديد
خط تصنيعهم موقفش !
الواحد ملاحظ إن الأزمات مش بتيجي إلا لـ حاجات معينة و أغلبها
بيكون جيل حالي أو جيل قديم ، شغال و كفائته قدام سعره مناسبة !
إنما التصنيع و الجيل الجديد ، بعيد عن الأزمة تماماً !
الموضوع فيه شئ غريب و سخيف 🤢
هنضطر نصدق إن ف نقص ف مواد التصنيع
مع العلم إن ممكن يكون فيه نقص فعلاً ، لكن مش بالشكل دا
و الموضوع كله إتضخم عشان يخدم مصالح و إنتفاعات معينة
و كذلك هنضطر ننتظر ، أصل مش ف إيدنا شئ غير الإنتظار
------
من خلال تواجد 10 سنين تقريباً ف المجال
و رغم إنه حصل ف الماضي أزمات كتير
لكن 2020 / 2021 ، هما السنتين الأسوأ ف تاريخ الهاردوير المصري
ع كافة النواحي ، سواء مبيعات و حركة سوق تجارية فيها ركود كبير
أو حتى توافر للقطع ، و الشفافية و النزاهة ف العرض من الوكلاء
و قبل منهم الشركات الكبرى المُصنعة
سنتين للنسيان حرفياً ، و يا رب الجاي يكون خير 🥺
تعليقات
إرسال تعليق
سيب أستفسارك وهرد عليك يانجم