بعد مشاكل الجرافيكس و الجيم بلاي ، المخيفة 😂
إللي كلنا شفناها ف الإطلاق الأول لـ لعبة PES 2022
الشركة نزلت بيان و قالت إنها هتصلح كل المشاكل دي
و قدامها أسبوع تقريباً و هتعمل باتش يعدل كل حاجة
ياريت طبعاً الكلام يكون صحيح ، و اللعبة تتظبط
خصوصاً إنها بمحرك جديد مفروض يقدم نقلة ف الجيم بلاي و الجرافيك
-------
السؤال هنا ، فين فريق التطوير القائم ع اللعبة !
فين المسؤلين عن الإطلاق ، فين تجربتهم لـ اللعبة !
إزاي عدى عليهم حاجات ساذجة بالشكل دا
و محتاجتش أكتر من عشر دقايق لعب عشان تظهر !
الناس دي مخدتش باقي فلوسها و لا إيه 😃
------
أنا من محبين بيس و فيفا ، مش فان بوي لـ حاجة معينة
بس بطبيعة الحال بلعب بيس بـ الأكتر ، تحديات و مع الصحاب و كدا
أتمنى جداً نرجع لأمجاد البيس إللي إختفت من 2013
و ظهرت بشكل باهت ف 2019 و 2021
توقعي الشخصي إن إصدارة 2022 ، مش هتبقى ف المستوى المطلوب
حتى بعد التعديلات ، هتبقى مجرد تمهيد لشئ جديد
و ننتظر اللعبة ف إصدارة 2023 بأه ، و يارب يتعلموا من فيفا
إللي رغم وقوعها ف حاجات كتير غلط ، لكنها تظل الأفضل تقنياً
تعليقات
إرسال تعليق
سيب أستفسارك وهرد عليك يانجم