حد يأكدلنا الكلام دا يا جماعة ؟ 😱
لإني لسة مجربتش أرجع شئ من ع الموقع الجديد
مع العلم إن (( سوق كوم )) كان بيجيلك لغاية عندك
نفس مكان التسليم ، ياخد المُرتجع ، و بدون أي مصاريف
* تعديل /
الموضوع طلع إن لو البائع أمازون ، بتعمل إسترجاع من مكانك عادي
لكن لو البائع تاجر مختلف ، بيحصل زي ما مكتوب ف الصورة كدا
و دا شئ إحنا ضده و رافضينه ، لإنه فيه توجيه لبائع معين
-----
مش فاهم إحنا بنتقدم و بنسهلها ع الناس ، و لا بنصعبها !
و محدش يقولي سياسات موقع ، لإن (( سوق كوم )) مكنش كدا
و الطبيعي إنك بتطور و تحسن ، مش بتقلل مميزاتك و خدماتك
الصح إنك يبقى عندك مرونة بما يناسب البلد إللي بتبيع فيها
مش تطبق قوانينك الثابتة بدون تفكير
إللي وارد جداً تكون غير مناسبة لـ سوق عمل مُعين
----
ألا صحيح مش شايفين حد من إللي كان بيصيح وقت الإطلاق !
ليه مقلتوش الموقع قدم إيه مميز و فاد المُستهلك إزاي !
إنتوا رحتوا فين يا جماعة ، مش سامعلكم صوت ؟
فيه حاجات كدا بـ الخبرة ، بنشوفها بدري و بـ نحذر منها
لازم تفهموا إن البروموتر عُمره ما هييجي من وراه خير أو منفعة ليكم
لك الله أيها المستهلك المصري 🙁
تعليقات
إرسال تعليق
سيب أستفسارك وهرد عليك يانجم