صباح الفل عليكم ♥
ف البداية بوجه تحية لـ أي تاجر محترم و شريف بيتقي ربنا
لإن (( التجارة )) من مهن الأنبياء
سيدنا محمد عليه الصلاة و السلام ، سيدنا موسى عليه السلام
و غيرهم كتير من الصالحين إشتهروا بالتجارة 😍
بس للأسف المهنة إتلوثت بـ إيد ناس أغبياء و معندهمش ضمير
زي حاجات كتير صح بتتشوه و تتحرف لمعاني تانية تبوظ شكلها
و دا يعيب الأشخاص فقط ، مش المهن أو الصفات إطلاقاً 🤓
------
لازم نتحرى الدقة و نعمل بـ كلام ربنا /
(( يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا ))
أسهل شئ إنك تشوه و تغلط و تهين و تعمل دوشة
أي إشاعة أو كلام سلبي ع حد ، لازم نشوفله أدلة و حقايق
مش نسئ الظن و نتسرع ف حكمنا بدون سبب واضح
حقوق العباد هي الحاجة الوحيدة إللي ربنا مبيغفرهاش
و لازم المظلوم بنفسه إللي يسامح الشخص التاني
و دا عبأ تقيل أوي كل واحد غلطان فيك بيشيله و هو مش مدرك
-------
ع كل حال ، فيه سؤالين كدا حبيت أشاركهم معاكم 🤩
ياريت أرائكم تكون حسب أصول العمل و الإتفاقات
إحنا عاوزين الصح و القانوني فقط 🧐
و طبعاً لو ف تنازل أو تسهيل ، دا صاحب الشأن أدرى بيه
و براحته يقدمه كـ ميزة ، أو ميقدموش طالما ماشي سليم
------
السؤال الأول /
لو إشتريت منتج (( جديد ضمانه سنة أو مستعمل ضمانه شهرين ))
و جربته و إستلمته بمنتهى الكفائة ، و إرتضيت بحالته و سعره
و إشتغلت عليه فترة بدون أي مشاكل
و حصل مشكلة ف المنتج دا بعد فترة ضمانه بـ أيام قليلة
لنفترض (( سنة و يومين -- أو شهرين و يومين ))
هل وقتها هيكون الضمان مسؤلية التاجر ، و ليك حق تطالب بيه ؟
---------
السؤال الثاني /
أثناء فترة ضمان المنتج ، هل التاجر بيكون ملتزم بـ تاريخ إبلاغك العطل
سواء تليفونياً أو عن طريق رسالة و شكوى ؟
و لا الإلتزام بيكون من تاريخ تسليم المنتج إللي فيه المشكلة يداً بـ يد
و طبعاً معروف إنك ملتزم بشروط ضمان مع وكيل أو مستورد أكبر منك
و زيك زي العميل ، لو عدى عليك وقت معين ، مش هيبقالك ضمان
(( كمثال / عميل فاضل ع ضمانه يومين و يخلص !
و بلغك تليفونياً إنه هيجيبلك المنتج بعد أسبوع لظروف معينة عنده
هل بعد أسبوع من حقه يطالب بـ ضمان ؟ ))
-------
الإجابات شرعاً و قانوناً واضحة و قاطعة
لكني حابب أشوف وجهات نظركم و منتظر أرائكم ♥
ف النهاية /
كلنا تجار و كلنا مستهلكين عند بعض ، مفيش حد مبيقعش ف الدورين
و عشان كدا لا كل التجار كويسين ، و لا كل المُستهلكين كويسين
فيه أصناف مؤذية من الطرفين ، ربنا يبعدهم جميعاً عننا و عنكم 😇
------
لو الكلام عجبك ، لايك و شير 👍
لو معجبكش ، إعتبره من وحي الخيال ، و لا يمت لـ الواقع بـ صلة 🥺
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم