صباح الفل عليكم ♥
مؤتمر UBISOFT كان إمبارح ، الحدث مكنش واو أوي
مفيش شئ جديد أو مفاجئ ، الموضوع مشي عادي جداً
دي أهم حاجات ، الجيمز نازلة تقريباً ف أخر السنة - 2020
1 / AC - VALHALLA
إللي من الجيم بلاي تحسها ميكس بين ODYSSEY و BLACK FLAG
مع ريميك خفيف ، مقدمتش جيم بلاي أو شئ ثوري ، لكنه مختلف
و فيها شوية اضافات حلوة جداً ف الفايتنج و التفاصيل بتاعة الكومبات بشكل عام
أعتقد لسة شوية ع ما يطوروا محرك أو فكرة تنقلهم من نظام أورجنز و أوديسي
لكن اللعبة من الفيديوهات إللي إتعرضت ممتعة جداً خاصة أسلوب القتال
و أعتقد محتواها هيكون قريب لـ أوديسي كـ ساعات لعب
دا من الشكل إللي لسة ف مرحلة البيتا ، مش وحشة خالص و منتظرها أكيد
----
2 / WATCH DOGS - LEGION
الأكشن فيها لذيذ ، و اللعبة بصرياً شكلها حلو
و تجربة هايست مع نظام ووتش دوجز التقليدي
هتديك متعة حلوة و مش هتزهق منها بسهولة ، أنا متحمس ليها
----
3 / FAR CRY 6
معرفش السلسلة دي مش برتاحلها نفسياً ليه ، دمها تقيل ع قلبي
و كل مرة أحاول ألعبها خصوصاً من بعد الجزأ الرابع
أحس إني زهقت بسرعة و أقفلها ، ممكن دا عيب فيا 🧐
بس الجيم مش وحشة و الله ، أنا إللي عجيب
عموماً مفيش جيم بلاي واضح ظهر ، كله عرض سينمائي مش أكتر
و دا طبعاً ما هو إلا تلميح للقصة و بس ، و دا مؤشر مش حلو
لإن لو فيه جيم بلاي ثوري أو إضافة ، كان أولى فردوا عضلاتهم بيها و إتعرضت
بس واضح إننا هنشوف ريميك للجزأ الخامس مع بعض تعديلات الجيمبلاي
بالإضافة لـ قصة لذيذة ، زي عادة فار كراي ف القصص ، بتبقى متميزة جداً
------
معتقدش إن المؤتمر كان وحش نظراً للظروف العالمية و الحال إللي إحنا فيه
أهـ الفانز مستنيين أكتر من شركة بحجم يوبي سوفت ، بس هنقدر الوضع العام
كذلك شركات الجيمز نفسها و الاستوديوهات و كل العاملين
صعب جداً يغيروا محرك أو أسلوب لعب و يبدلوه كلياً ف الظروف دي
فـ إللي إتقدم مُرضي جداً ، ع الأقل دلوقتي
و أساساً الجيمز بأسلوبها دا نازلة من سنتين بالكتير تقريباً
فـ تعتبر حديثة و لسة يطلع منها شوية كمان لـ سنة ع الأقل
المهم الإبداع ف التطوير ، مش مجرد الحلب
-----
دي كانت عدم المؤاغذة تغطيتنا للمؤتمر و للجيمز إللي إتعرضت فيه 🤣
لو الكلام عجبك متعملش لايك و لا شير ، 🤪
أما لو الكلام معجبكش إعمل لايك و شير بسرعة
عشان الناس تعرف أد إيه الصفحة دي لعينة و بتقول معلومات غلط 😃
----
تعليقات
إرسال تعليق
سيب أستفسارك وهرد عليك يانجم