بقالنا فترة كبيرة مشفناش لعبة محترمة ل الـ PC
بإستثناء METRO EXODUS - CONTROL مؤخراً
إللي نقدر نقول فيهم ريحة الزمن الجميل ، بس برضو لسة مش أوي
فاكرين CRYSIS 3 - MAX PAYNE 3 - WITCHER 3
بعيداً عن التصادف الغريب إن كلهم تالت جزأ 🧐
الألعاب دي قديمة ، لكنك تلعبهم دلوقتي تلاقي فيهم حاجات مُذهلة
جرافيك أو جيم بلاي ، سابق زمنه ، دا ف حاجات أصلاً لسة سابقة حتى الأن
و متزهقش منهم أبداً ، و كل فترة لازم ترجع لحاجة فيهم ع الأقل !
حالياً عندنا جيلين جداد كـ جرافيك ، و معانا كروت و إمكانيات جبارة
لكن الإنتاج = بلح !!!
كـ إستوري و جوانب لعبة مكتملة زي دول ، معندناش حاجات تنافس
للأسف مفيش ع الساحة ألعاب خالص تحب تلعبها و تكملها
أو حتى ترجعلها بعد فترة ، و أعتقد الكلام دا من سنة و يمكن أكتر 🙁
------
كل التوجه بقى لـ الأونلاين و الباتل رويال تحديداً
جيمز الأونلاين فيها تنوع ضخم عن ألعاب الأوفلاين و الإستوري
و دا مقصود لأغراض تجارية و لدعم الإستمرارية
لإن مكاسب الجيمز الاونلاين و تصدرها للترند ، أكبر بكتير من ألعاب القصة
بس دا سلاح ذو حدين ، و بيسبب ضرر للصناعة ع المدى البعيد
------
HORIZON - ZERO DAWN
نزلت من فترة قريبة و عملت إنتعاشة شوية
بس مشاكل الاوبتميذ + كونها قديمة شويتين و إن ف ناس كتير لعبتها كونسول
فـ برضو معملتش التغيير الثوري المنتظر
-----
و أنا بقلب لقيت الجيم دي ، خطفتني من أول نظرة 😃
Black Myth - Wu Kong
شفت ليها جيم بلاي و متحمس جداً لنزولها
تحسها خليط من / NIOH - SEKIRO - Ghost of Tsushima
مع طابع مختلف خالص ، مش شبه ألعاب السولز ، و لا الهاك أند سلاش 🤪
عارف إنت الحاجة إللي حاسس إنك عارفها ، بس هي جديدة كلياً 😃
مفروض إنها هتنزل PC - CONSOLE
بس الله أعلم مين الأول ، و خطتهم إيه بالظبط
فيديو الجيم بلاي ف أول كومنت .. نتمنى تنزل قريب
و نشوف حاجات متنوعة كتير ف مجال القصة لألعاب الـ PC
------
تعليقات
إرسال تعليق
سيب أستفسارك وهرد عليك يانجم