لعبتين جداد ، تعالوا نلقي نظرة سريعة فاحصة ماحصة
-----
الأولى ، GOTHAM KNIGHTS ، أو الجزأ الجديد من / بات مان
بس المرة دي مش هيكون فيها بات مان أصلاً !
و موجود أربع شخصيات بداله ف اللعبة /
ROBIN - BAT GIRL - NIGHT WING - RED HOOD
الجيم بلاي البسيط إللي نزل كـ عرض مبدئي ، دا بري ألفا
يعني مرحلة ما قبل التحضيرات ، و لسة هيحصل عليه تعديلات
زي ما شفتوا ف الفيديو ، فريم دروب مزعج ، الوشوش مش مظبوطة
الكاراكترات بلا شخصية و مفيش تفاعل
كل التركيز كان ع البيئة و نظام التبديل بين الشخصيات أكتر شئ
و دا كله منقدرش نحكم عليه طبعاً بشكل نهائي ، لإنها نسخة لسه هتتطور كتير
معانا شوية حلوين ع ما اللعبة تنزل و تبقى جاهزة بـ الإصدارة النهائية
-----
بس فكرة إنها بدون بات مان ، رخمة شويتين ، لإنها كدا تحسها عايمة
خصوصاً بعد الظهور السئ للشخصيات
و كأنك بتلعب لعبة سوبر هيروز بس درجة تانية
مع العلم إن روبين و بات جيرل ، ليهم كاريزما
حتى و إن كانت أقل من بات مان ، اكيد
بس ف الفيديو دا مكنش ظاهر أي تفاعل من الشخصيات إطلاقاً
كله كان باهت و كأنه محتوى خطي رخيص
-----
نتمنى إن دا يتظبط لإنه ضروري جداً و محور مهم
متبقاش شيلتلي بات مان ، و معوضتنيش بـ أي شئ تاني !
بالمناسبة أخر جزأ لـ اللعبة Batman - Arkham Night
كان مليان مشاكل تقنية حتى بعد الإصدارة النهائية !
دا ف نسخة الـ PC فقط ، الكونسولز كانت سليمة بدون مشاكل
و دا إللي ضيع كتير من فرص اللعبة للنجاح
مع العلم إن الجزأ دا من أعظم أجزاء السلسلة ف كل النواحي
فـ يا ترى هيعملوها تاني و لا إيه 😃
اللعبة نازلة لـ ال PC و الـ كونسولز ، ف سنة 2021
--------------
اللعبة التانية هي / MARVEL AVENGERS
دي بأه البونبوناية ، حاجة كدا مسلية و تخليك مستمتع و إنت بتلعب
صدرت خلاص بس لسة مش كاملة
و ف ناس كتير جربتها ، إكرررمهم يا رب 😃
نظام الأفينجرز التقليدي ، بس بـ جرافيك نضيف ، و جيم بلاي ممتاز
عجبتني جداً من فيديوهات الديمو بتاعها ، طبعاً متنتظرش قصة تقيلة
أو شئ خارق للطبيعة و ثوري ، لكنك هتلاقي تجربة بصرية ممتعة
و كمان جيم بلاي شيق و ياخدك معاه بدون ما تحس بـ الوقت
موجودة لـ ال PC و الكونسولز ، و متوفرة كاملة من يوم 4 سبتمبر الجاي دا
-----------
دول كانوا كلمتين شهاب الجيمر حابب يقولهم لـ شهاب الإنسان
إتمسوا بـ الخير ♥
---
تعليقات
إرسال تعليق
سيب أستفسارك وهرد عليك يانجم