المشاكل إللى بتواجه الجهاز الجديد من شركة / SONY
بلاي ستيشن 5 .. PS5 ، العملاق المُنتظر
إللى هيعمل طفرة ف عالم الجيمنج بشكل عام
خلينا ناخد جولة سريعة ع تسريبات مواصفات الجهاز
إللى وارد تتغير ف حدود ضيقة لما ينزل الأسواق
و هيبقى ف الأغلب تغيير كـ سِعات مش كـ مواصفات أساسية
-----------
الجهاز هييجى ب معالج / AMD
8 كور و 16 ثريدز ، و تردد 3.2 جيجا هرتز
و تكنولوجي تصنيع 7 نانو .. بمعمارية Zen2
-----------
و كارت الشاشة من سلسلة / Radeon Navi
بمعدل أداء / 14.2 Teraflops
-----------
الميموري بتاعة الجهاز بالكامل / 24 جيجا رام
20 جيجا .. مخصصين لكارت الشاشة ، من نوع GDDR6
و 4 جيجا .. مخصصين لنظام التشغيل ، من نوع DDR4
-----------
الجهاز هييجى ب SSD بمساحات كبيرة ، بدلاً من HDD التقليدي
-----------
كمان هيكون فيه دعم لخاصية الإنعكاسات / Ray Tracing
و دقة العرض هتوصل ل / 8K
و معدل التحديث هيوصل ل / 120 هرتز
مع دعم ال / VR
-----------
الجهاز هيبقى فيه خاصية / Backwards Compatibility
إللى هتخليك تلعب كل الجيمز إللى شاريها ع بلاي ستيشن 4
ع البلاي ستيشن 5 ، بدون ما تشتريها مرة تانية
---------------------------------
دي أهم المواصفات إللى هتهمنا كمستخدمين وما زلنا ف إنتظار الجهاز
إللى واضح إن إنطلاقه مش سهل و بيواجه صعوبات
من أهمها نقطة التسعير ، إللى حتى الأن و حسب التسريبات
الشركة قالت إن تكلفة الجهاز كتصنيع ، هي 450 دولار !
يعنى مع إضافة هامش ربح و مقارنةً ب PS4 ، و تفاصيله وقتها
هيكون السعر المتوقع بين / 470-500 دولار كحد أقصى
إللى هو تقريباً 8000 جنيه مصري ، بدون جمارك و ضرايب طبعاً
إللى هو عقبال ما يوصل مصر وارد يبقى ب 10-11 ألف جنيه !
و دا موضوع خلى بعض الناس تشوف السعر غالي و تتضايق قبل العرض أصلاً
-----------
سونى و بعض المتابعين عملوا نقاشات كتير بخصوص السعر
و قالوا إن تكلفة ال NAND - DRAM المستخدمة كذاكرة للجهاز
كانت غالية و هى من أهم أسباب إرتفاع السعر مقارنةً ب / PS4
بس كان لا بُد منها لتقديم سرعة ف الأداء
كمان قالوا إن البلاى ستيشن 4 كان بيسخن بشكل مؤثر ع الأداء
و هما حاولوا يعالجوا المشكلة دى ف الجيل الجديد
عشان كدا عملوا نظام تبريد لـ بلاى ستيشن 5 .. إحترافي و مميز
و دا عشان تقدر تستفيد بكل قوة الجهاز ، الموضوع إللى زود التكلفة برضو
-----------
مع إني من أكتر مناصرين ال PC ، لكن رأيي الشخصي
إن حتي لو الجهاز نزل ب 11.000 جنيه ، فدا سعر ممتاز قدام الإمكانيات دي
إللى لو هتجمع جهاز كمبيوتر جديد ب 11.000 جنيه ، هيتحققلك جزأ منها فقط
فالمنافسة هنا لأول مرة ف تاريخ البلاى ستيشن ، تكون محسومة ليه !
دا ف حالة إن السعر 11.000 جنيه ، و ف حالة إستخدام الجيمنج فقط
و تظل مشكلة الجيمز نفسها و أسعارها هى المُعضلة الدائمة
لكن بعيداً عن دا ، رأيي إن التسعير الحالي قدام المواصفات المُسربة ، كويس جداً
-----------
مش عارف وجهة نظر الناس بصراحة و رفضهم للتسعير عموماً أو أي شئ
بس أكيد كل ما يكون أرخص كل ما يبقى أحسن ، مش هنقول لأ 😃
و ع كل حال لسة منعرفش الأمور هتروح لفين !
-----------
متوقع إن الجهاز ينزل ف شهر 4-2020 ، أو ف 11-2020
هما قالوا كذا حاجة بصراحة ، و وارد يتأجل شوية كمان 😃
و إحنا ف إنتظار نزول الجهاز رسمياً للأسواق
و عرض المواصفات ، و السعر النهائي
لغاية الوقت دا قولونا رأيكم ف التسعير ، و ف مواصفات الجهاز ؟
و مين فيكم ناوي يشتريه ♥
-------------------------------------------------
لو الكلام عجبك ، لايك و شير
لو معجبكش إعتبره من وحي الخيال و لا يمت للواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم