مع إني من فريق الـ PC GAMERS
لكن برضو البلاي ستيشن جهاز عظيم ، و حصرياته مبتتكررش كتير
فكان لازم نتابع الدنيا و نقولكم أخر الأخبار بعد ما تم الإعلان الرسمي عنه
المواصفات تقريباً ثابتة زي ما نزلناها قبل كدا .. نتكلم ف الجيمز
أول ما شفت المؤتمر لايف ، علقت إن الألعاب دي مش ثورية
و مفيهاش شئ يميز الجيل الجديد ، مجرد جرافيكس محسن من الجيل السابق
و بعضها نفس جرافيكس الجيل السابق أصلاً
طبيعي إن أي جيل ف أوله ميننزلش بكل قوته
و كمان لازم نراعي الظروف العالمية الحالية من توقف
كل دا خلاني متحاملش أوي عليهم بعد لما قلت رأيي
-------
بس عموماً و بالنظر لإمكانيات الجهاز ، فهو هيكسر الدنيا كـ ريزولوشن
يعني الجماعة بتوع الدقة و متعة التفاصيل ، هينبسطوا جداً ف أغلب الجيمز
-------
كمان ملاحظ اللعب بوضعيات الشاشة جوا كذا لعبة إتعرضت
يعني الشاشة بتتقلب بشكل معين ، و بتميل بالجمب !
و النظام يتحول فجأة لمود شبيه ب البلاتفورم
و بعدين لمنظور ثالث من وضعيات مختلفة ، أعتقد دا هيبقى ممتع جداً
لو لعبت VR ، أو جربت أكتر من نظام عرض ، و حتى ف الوضع الطبيعي
هي حلوة جداً و بتاخد لأفاق ممتعة جوا الجيم
أما النقلة الثورية كمستوى جرافكس بشكل عام ، لسة مجتش خالص
-------
دي أفضل ألعاب البلاي ستيشن 5 ف رأيي برضو ، تخاطر توارد 😉
إقتباس الجيمز كمراجعة من ريفيو / Gamedoser عمر وحيد ♥
و هتلاقوا الفيديو الأصلي ف أول كومنت
1 / Spider Man
2 / Project Athia
3 / Returnal
4 / ODD World - Soul Storm
5 / KENA - Bridge Of Spirits
6 / Demons Soul
7 / Resident Evil - Village
8 / Death Loop
9 / Horizon - Forbidden West
10 / HITMAN 3
------
تعليقات
إرسال تعليق
سيب أستفسارك وهرد عليك يانجم