مكنتش حابب اتكلم عن الموضوع و الله
بس الشياطين ع الرسايل هما إللي أغروني 😃
مع إحترامنا الكامل للأشخاص
إللي بنعلق و ننقد محتواهم و معلوماتهم ، إللي هي تخصصنا
مش بنتكلم ع حد بعينه إطلاقاً و لا يفرقلنا أشخاص
لكن ف ملحوظات شهابية بسيطة كدا عشان الناس تتعلم بس 🙂
------
بإختصار شديد ، حضرتك لما بيحصل حرق ف أي قطعة لا قدر الله
أ ب - بنشيل كابل الباور الأساسي إللي مغذي الباور صبلاي نفسه
إما من الباور ، أو من الفيشة العمومية ف الحيطة لو قريبة مننا
------
لكن إننا نشيل السوكيت الرخم إللي بيركب ب تكة و حوار
سواء بتاع البوردة أو المعالج نفسه ، دا تصرف غريب جداً
و لا يمت للواقع بأي صلة ، زي كتاباتي بالظبط كدا 🤣
------
و دا ممكن يحرق إيد سعادتك ، ممكن الكابل يسيح ف إيدك
و ممكن يزود المشكلة و يحصل تلامس أصلاً ف أي قطعة تانية
كمان هياخد وقت أطول و لو حتى ثانية ف إنت أولى بيها
ليه أصلاً تصعبها ع نفسك !!!
ما تشيل الكابل العمومي يا ريس ، دي بديهيات قواعد سلامة !
بس انا مقدر جداً إنه اتفاجئ .. و سرعة رد الفعل مخدمتوش
و الحمد لله إنها عدت معاه ع خير
------
و مش هعلق طبعاً ع الحدث نفسه ، لإنه وارد جداً و له أسباب كتير
لكن التعليق كان ع التصرف الغير سليم و الخطير جداً بعد ما الحرق حصل
و ياريت محدش يعمل زي ما حصل ف الفيديو ف حالة أي مشكلة
و شيلوا الكابل العمومي للباور نفسه يا جماعة
متلمسوش البوردة و لا أي قطعة ☝️
------
إستغربت جداً لما شفت حد مفروض إنه متخصص بيعمل كدا
بس جل من لا يسهو ، و ألف سلامة عليه هو و الفريق بتاعه 😉
------
تعليقات
إرسال تعليق
سيب أستفسارك وهرد عليك يانجم