نسخة الـ AORUS من كارت AMD RX 6800XT
مع إني من الناس إللي مش بحب أبعد عن SAPPHIRE
ف كروت AMD ، بالتخصص بعتبرها أفضل نسخة
خصوصاً الـ NITRO + ، الفئة الأعلى طبعاً
----
بس المرة دي AORUS مقدمة تصميم جديد
و شكلها عاوزة تنافس و تقدم حاجة ف مجال كروت الـ AMD
إللي فئات السافاير مسيطرة عليه طوال الأجيال إللي فاتت
3 مراوح أعتقد هيبقوا كافيين جداً للعملاق دا
و ميزة الـ Max Covered Cooling الجديدة بتقدم تبريد محترم
زي ما وصفوا ف طريقة دوران المراوح ع الموقع الرسمي
فيه شاشة LCD ف الكارت بتعرضلك الحرارة زي المبردات الحديثة
و عليها شعار AORUS و شوية حركات ف الإضائة
أعتقد هيبقى ف تحكم ف الموضوع دا من RGB FUSION
إضائات RGB ف جسم الكارت نفسها كـ شكل حلوة و شيك
الكارت بياخد كابلين ف 8 بن عاديين
و دول سهل تلاقيهم ف أي باور محترم 600 وات فيما فوق
----
ف إنتظار توافر الكارت ف السوق
لإن الموديل دا هيمثل نقطة رجوع كبيرة لـ AMD ف الفئات دي
متحمسين ليه ، و منتظرين تجربته و مشاركتكم ف أقرب فرصة
----
لو الكلام عجبك ، لايك و شير 👍
لو معجبكش ، إعتبره من وحي الخيال و لا يمت للواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم