صباح الفل عليكم ♥
تجربة شخصية بشاركها معاكم + أراء كذا حد جرب
----
الموديل دا تحديداً من فلاشات كنج ستون DT50
سئ لأقصى درجة ، كان معايا فلاشتين منه 16 - 32
و الإتنين حصل فيهم نفس العيب بالظبط
بعيداً عن السخونة ، بس هنتغاضى عنها
و نقول عادي لإن الجسم معدن برضو
لكن الفلاشة بتبقى بطيئة ف النقل و أقل من usb 2 كمان
و بتنقل الملفات بشكل غريب ، أياً كان نوع الملفات دي
و مرة واحدة تجري و بعدين تقف ، و شبه بتهنجلك الجهاز كله
موضوع عجيب جداً و لما حصل معايا ف فلاشتين نفس الموديل
و لقيت أكتر من حد إشتكى من نفس العيوب بالظبط
بالشكل دا قلت إنها حاجة جلوبال ف الموديل
أكيد حظي مجاش ف إتنين وحشين يعني
و لا نفس العيب بيتكرر بالصدفة مع الكل !
----
فـ أي حد هيشتري ، يبعد عن الموديل دا تحديداً
عشان ميواجهش مشاكل متوقعة و يخش ف ريسك
هي لا شكلها حلو و لا مميزة ف شئ عشان تسعى ليها يعني
هات أي موديل تاني و خلاص ، كنجستون عندها موديلات كتير
ممكن يكون ف ناس جابتها و شغالة معاها كويس
بس أنا بوضح تجربتي و تجربة أكتر من شخص أعرفهم
كلنا إشتكينا من نفس العيب
---
و نصيحة لو هتشغل الفلاشة كـ ميديا ع شاشة بإستمرار
إبعد عن أي فلاشة جسمها معدن و دور ع البلاستيك
أو المعدن إللي فيها طبقة خارجية للمسك منها
دي هتريحك ف الإستخدام أكتر ، و مش هتلسعك و لا تكهربك
بس كدا .. ♥
---
لو الكلام عجبك ، لايك و شير
لو معجبكش ، إعتبره من وحي الخيال و لا يمت لـ الواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم