لما نزلنا بوست و قلنا للناس متستعجلوش
و تعرضوا كروتكم للبيع بسعر رخيص
طالما جهازكم أو الكارت بشكل أدق مش وحش ف الاداء
متغيروش و فككم من الجديد ، دي حركات كل جيل ، متتزاولوش
و دا كان بحكم خبرتي الخزعبلية اللا نهائية 🙄
حفاظاً مننا ع فلوس الناس ، و بدافع من ضميرنا كـ نصيحة
و مذكرناش أي شئ تجاري يخصنا أو يخص تجار المستعمل
ف كل الكلام أصلاً ، و البوست لسة موجود
---
خدنا إنتقادات كتير و كله قال دا الجيل الجديد ، زربو ف الهوا 🤣
القديم خلاص هيشغل ماريو و يهنج و ملوش لزمة 🤪
جزأ من المنتقدين كان مش فاهم و بيزيط و خلاص
و الجزأ الأكبر كان منتفع و مستفيد ، سواء بشغله كـ مرتزقة مع الشركات
أو لإنه عاوز يشتري بسعر رخيص ، فـ بيبخث و بيصطاد ف المية العكرة
----
بس دلوقتي و بعد ظهور كلام كتير عن أول كارت
الحمد لله ، ربنا نصرني 😂
----
دوشة كبيرة و توزيع كروت بشكل غريب
ع المراجعين المعروفين و الأكبر كـ مشتركين ، فقط !
و لكنهم ليسوا الأفضل كـ تقنية إطلاقاً
و إن كان كتير منهم مجتهدين جداً و يستحقوا الإحترام
ركز كدا ، كارت زي الـ 3080 إتوزع بشكل عامل إزاي !
و الهايب الجامد إللي بيتعمل له ، و الشير من محلات البيع
ع صفحاتهم و كل التوجيه دا ، لصالح مين 😃
---
أهـ حاجة جديدة و بننشرها و حقنا نبيع ، بس المرة دي كان ف شئ غلط
الموضوع مش ماشي زي كل جيل بـ رسيان كدا ، و توزيع معتدل
دا حضرتك الكارت بيترمي لأي واحد بجنيه و ربع بيطبل للشركة
و خصوصاً واحدة من شركاتي المفضلة ASUS
إللي وكيلها بـ يهينها ف مصر ، بس زيه زي غيره
قلنا قبل كدا ف موضوع التوكيلات
هنا يُوكل الأمر لغير أهله ، مش هنلوم عليه لوحده
-----
بس فعلاً البروموترز و التوجيه مفضوح جداً ف الجيل دا
إنتوا بِتشَرَبوه للناس حرفياً ، خفوا شوية و خلوا فيه إحتراف 😉
----
الخلاصة / الكروت الجديدة متعوب عليها و فيها تطوير من إنفيديا
الـ RTX إتقدمت بشكل مُحسن ، و دا من التجارب المبدئية
لسة لما نشوف توافق الدرايفرز ، و الأداء ف كذا حاجة
و الكارت بعد فترة شغال إزاي ، ف تفاصيل كتيرة لسة
بس عموماً كل دا جميل كـ بداية
لكنه مش مبرر إنك ترمي كارتك القديم أو تغيره
طالما مش مقصر معاك ف شئ ...
----
الفئة المتوسطة ، إنت مش محتاج تحدث إطلاقاً و لا تغير كارتك
إلا لما يتم الإعلان رسمياً و تشوف إختبارات أداء لـ RTX 3060
وقتها أتوقع إن دا هيبقى إختيارك الأفضل سعراً و المناسب كـ أداء
الفئة فوق المتوسطة - إللي هتنقسم بين 3070 - 3080
إتقلوا شوية لو معاكم كروت زي 2070 سوبر و 2080 سوبر
الفرق لو مش محتاجينه مترموش كروتكم و تخسروا فيها
و تدفعوا فلوس كمان ، قدام فروق مش هتستفيدوا بيها بالكامل
كروتكم لسة قدامها سنين ع ما تشتكي ، فكروا كويس
----
الفئة المنخفضة ، حبايب قلبي يجمعوا هنا جمبي 😃
ف كروت هتنزل ف النص زي ما نزل الـ 1650-1660 و الكلام دا
هنشوف شبيه ليهم ف الجيل الجديد ، لكنه محتاج شوية وقت
و أظن إن الفئة دي تحديداً هتبقى حصان أسود لو الشركة فكرت صح
لإنها هتقدم سعر مقابل أداء ، يزنق amd جداً ، و الفرصة متاحة
لإني أستبعد إن nvidia لـ تالت جيل ، تسيب الفئة دي لـ amd
يبقى تفكير غبي جداً بصراحة و مش بيتعلموا من غلطهم
و محدش يقولي هما بيلعبوا ع فئة المتوسط فيما فوق
لإني بالرغم من إعجابي الشديد بـ amd
لكن الواقع بيقول إن الفئات دي دايماً بتتحسم بسهولة لـ nvidia
فـ nvidia مش محتاجة تركز فيها أساساً 😃
إلا لو كان الموضوع بـ الإتفاق و توزيع حصص ، دي قصة تاني
----
الفئة العالية - روحوا إشتروا الـ 3090 .. ملناش كلام سوا
إكرررررمهم يا رب 😭
---
لو الكلام عجبك ، لايك و شير
لو معجبكش ، إعتبره من وحي الخيال ، و لا يمت لـ الواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم