النقاش مفتوح لأي حد عنده رأي بـ منطق و علم
نستفيد من بعض ، و نتعلم كلنا
لكن التعليق و الهجوم بلا سبب أو دليل
مش هيترحب بيه للأسف
----
خرافات للصبح ، و فيديو مؤسف جداً
و المشاهدات بتزيد و الناس مش فاهمة و حاجة فلة
----
الخزعبلات كتير و الفيديو إبتدي
ب إن ف بعض الشركات بتوزع الأجهزة ببلاش ع التجار !!!
عن نفسي أتمنى أشوفك تعرض عنوان أو حاجة لشركة من دول
تكسب حتى ثواب ف الناس إللي عاوزة جهاز و مش قادرة تشتري
بداية الكلام ف حد ذاته عجيب ، و بيوضح قلة الخبرة
----
أنا كـ شهاب بحكم شغلي ف شركات كتير و ف أماكن قريبة للإدارات
أقدر أقولك إن حتى الكرسي المتهالك إللي إستخدمه مئات الموظفين
بيتباع بطريقة معينة و مش بخسارة ، و مفيش حاجة بيتفرط فيها
كل شئ شبه بيعاد تدويره بطريقة ما للحفاظ ع أموال الشركة
مش تقولي اجهزة كمبيوتر كانت إستخدام مكتبي خفيف لموظفين
تترمي ببلاش و تتوزع ، سبحان الله
-----
كمان قال إنه لقى إن أكتر الأجهزة المنتشرة و بتعجب الناس
منها ال DELL 7020
تصدق بالله يا مؤمن ، و أنا من أكتر الناس إللي بشتغل ف الإستيراد
إني مبيعتش الجهاز دا إلا مرة واحدة ف حياتي و من 3 سنين تقريباً !
و من بعدها لا بلاقيه منتشر ف السوق ، و لا حد بيطلبه مني أصلاً
لإنه مش متداول ولا متوفر كتير .. مش عارف بصراحة
إنت جيبت معلومة إنه منتشر و بيعجب الناس منين 😃
-----
قال كمان إن حد رشحله فئة ال Z من إتش بي
لكنها كلها زيون و الزيون كله ترددات قليلة و أدائه مش كدا !!!
و هنا الكارثة .. مبدئياً حضرتك فئة ال z مش كلها زيون
بيركبلها أي فايف و أي سفن - عادي جداً - مفاجئة مش كدا !
ثانياً / الزيون مش كله تردداته قليلة
ف معالجات زيون تردداتها عالية و بتنافس الكور أي كمان
من الفئات الموازية ليها ، عادي جداً ، مفاجئة برضو !
-----
مكملتش الفيديو لظروف نفسية مرضية عندي 🙁
-----
انا هختم و هكتفي بجملة واحدة إتقالت
و فيها منتهى عدم الوعي و إتكشف بيها كل شئ 😃
(( أنا جربت ف حياتي كيستين متقفلين فقط
و دا كان من 6 سنين !!! ))
يعني ف 2014 !!! ما قبل إنتشار ثقافة تعديل الأجهزة الإستيراد
و إستخدامها ف الجيمنج بالشكل بتاع دلوقتي
و كمان قبل تغير السوق كلياً سواء جديد أو مستعمل
و أكيد الجهازين كانوا ضعاف جداً بحكم الوقت و المنتشر وقتها
دا بديهي مش محتاج نقاش
و مع ذلك سبحان الله فيديوهات كتير و محاربة لأجهزة الإستيراد
و مترميش فلوسك و بلا بلا بلا
و فين التجربة و الفيد باك العملاق اللي عندك
اللي يخليك توجه ألاف الناس لـ حاجة زي دي !
( كيستين ف حياتي و من 6 سنين ) 😂
قلنالكم بيتضحك عليكم من خلال تجارب سطحية
لناس مش فاهمة أوي و لا نزلت السوق
مصدقتوش ، سبحان الله ، الكلام قدامكم أهو يارب نفهم
------
ختاماً لكلامه عن تعامل المحلات و عدم وعيهم
و يمكن دا الشئ الوحيد الصح ف الفيديو
فـ دا مش جديد و ياما قلناه لإن الأغلبية تجار مش مهندسين
فـ طبيعي تكون معلوماتهم محدودة شوية
لكن إيه علاقة دا بـ الاستيراد و مجاله و الأجهزة و كفائتها !!!
بصراحة معرفش .. الله أعلم !!!
---
أسوأ شئ ف المصري تحديداً و مشفتوش بصراحة ف مكان تاني
أنا لفيت العالم ، و رحت دمنهور و المنوفية
و كذا دولة و ملقتش العيب دا
إنه يتعامل مع شخص سئ بيبيع حاجة معينة
يبقى كل المنتجات من النوعية دي وحشة و منصحش بيها
أو يشتري موبايل سامسونج مثلا يحصل فيه مشكلة
تبقى شركة سامسونج كلها فاشلة و لازم تتقفل و قاطعوها
التعميم الغبي و القياس ع تجارب فردية و سطحية
لا يا حبيبي ، الدنيا مش كدا ، أومال ليه إتعمل أقسام الشكاوي
و أقسام الكواليتي كنترول ، و تفاصيل تانية كتير
دا سيستم كبير ، و كل ما كيان أي مؤسسة يكبر و عملائها يكتروا
كل ما تكتر العيوب و الإنتقادات ليها ، دا منطقي
لكن طبعاً النسبة مهمة جداً ، و مفروض تبقى أقل ما يكون
----
مش هتلاقي بروموتر و لا حد شغال مع شركات الجديد ف مصر
يقول كلمة حق ف المجال دا ، نقطة و من أول السطر
لإنه بيبقى مرتزقة و مرتبط بيهم ، و مش كل كلامه من دماغه
و حتى لو دس السم ف العسل و ضحك ع الناس ف بعض الأوقات
و أظهر إن كلامه من راسه و معارض و بتاع
بيبقى ف خطوط عريضة ميقدرش يتعداها أبداً
و الدليل هو إن مفيش مراجع واحد قال كلمة حق ف الإستيراد
لإن الوكلاء و مديرين الشركات بيكرهوا المستعمل بشكل عام
و حاصلهم بسببه أزمة ف التجارة بتاعتهم
فـ بيطلقوا المراجعين المأجورين ع الناس ينشروا المعلومات الغلط
للتخويف من الاستيراد و خلط الحقيقة ب الكذب
و إستغلال غباء التجار و جهلهم ، و ضرب كله ف بعضه
و المستخدم النهائي مش فاهم يعيني و يروح زي الشاطر
يجمع جديد عشان جالوا رعب من حواديت المستعمل المخيفة
----
تعديل / أهـ ف تجار سيئين السمعة ، أهـ ف شغل مضروب كتير
أهـ ف جهل مستفحل ف المجال دا
أومال إحنا عملنا إقفش زومبي ليه ! ، و ياما حذرنا من النوعيات دي
و بنقف جمب الناس و ننبهها من الإشتغالات و النصب !
بس حضرتك دا طبيعي ف كل المجالات بلا إستثناء ف مصر
و بالمناسبة موجود ف سوق الجديد كمان مش المستعمل فقط
و للعلم مفيش محل واحد ف مصر بيبيع جديد و فيه مهندس متخصص
يعني نفس الهبد هتسمعه و إنت بتشتري جديد برضو
و إن كانت النسبة أقل شوية و الموضوع محدود بحكم الإنتشار بس
فـ متجيش تتكلم ف بديهيات و مشاكل عامة و تخلط الصح بالغلط
و تزرع مفاهيم غلط لخدمة مصالحك ، إتقي الله
----
و ع كل حال لو عاوز إستيراد إشتري من شهاب كمبيو و ريح دماغك
أو حتى خش شوف مواضيعنا و إتعلم تبقى ناصح و تختبر جهازك
و إعرف أخر أخبار السوق و الأجهزة من عندنا برضو
و محدش هيقدر يضحك عليك تاني يا بورينس 😉
----
لو الكلام عجبك ، لايك و شير
لو معجبكش ، إعتبره من وحي الخيال ، و لا يمت لـ الواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم