جيل ICE LAKE من معالجات إنتل .. إللى إتكلمنا عنه قبل كدا
مطلعش هو المنافس الحالى للجيل التالت من RYZEN
و كمان مش هينزل الفترة دى خالص 😬
دا هينزل ف أواخر سنة 2020 .. و هيبقى بتكنولوجى 10 نانومتر !!!
أما الجيل إللى جاى عشان لامؤاغذة ينافس RYZEN 3000
هيكون إسمه COMET LAKE و بتكنولوجى 14++ نانومتر !!!
و دا الجيل العاشر ف الترتيب من INTEL
و هيشتغل ع سوكيت جديد إسمه LGA 1200 ! 😕
يعنى بنسبة 99% المعالج هيحتاج ماذر بورد مختلفة
فإعملوا حسابكم ف بوردة جديدة 🙁
إحنا توقعنا ف بوست من فترة إن المنافسة محسومة ف سوق المعالجات
و إن رايزن هتحكم و تسيطر للفترة التالتة ع التوالى 😎
بدون الدخول ف تفاصيل و إختبارات أداء و مقارنات
التفوق دا ظهر من خلال المؤشرات الأولية .. سواء لتطور التكنولوجى
أو للمميزات الإضافية زى ال APU ، أو لمعدلات الأداء مقابل السعر
او حتى لدعم السوكيت ل 3 أجيال متتالية دون الحاجة لتغيير البوردة
كل دى حاجات رجحت كفة AMD
و خلتها تحسم الموضوع بدرى أوى 🥳
هل دا هيتغير ! هل هيحصل مفاجئة تقلب الموازين ؟ الله أعلم
مبروك لـ رايزن الجيل التالت مقدماً ــــــــــــــــــــــــــ 😉
تعليقات
إرسال تعليق
سيب أستفسارك وهرد عليك يانجم