بإختصار و قبل أى كلام
إللى ملعبش / FORZA HORIZON 4
يبقى ملعبش أى لعبة سباقات فى حياته
الجرافيك ممتاز .. و إن مكنش أعلى حاجة
بس هو مُرضى جداً و ممتع للعين
فيه تفاعلات لذيذة مع العربيات اللى حواليك
موتوسيكلات بتجرى من جمبك و طيارات فوقيك
الجو كله حلو و يحسسك إنك جوا سباق فعلاً
و عينك مش هتلحق تجيب كل الأكشنات إللى بتحصل
الأرض و تفاصيلها مع البيئة المحيطة بالكامل ، حلوين جداً
الجو العام كالعادة بيتغير ، صيف شتاء مطر تلج إلخ
كل دا مُحَسَن عن الأجزاء القديمة بشكل واضح
الأصوات و المزيكا بيخلوا عندك حماس تلعب و تكمل
الكنترول نفسه بقى أفضل و مبقاش تقيل و مبالغ فيه زى الأجزاء القديمة
الأوبتميذيشن حسب جهازى ، كويس جداً
لكنى لسة مجربتهاش ع جهاز أقل
بس أعتقد إنه برضو هيبقى معقول و مفيهوش مشاكل
لإن دا واضح لما عليت كل الإعدادات
محصلش دروب فريم أو أى مشكلة ، و انا جهازى مش احسن حاجة يعنى
أنصحكم بتجربتها جداً طبعاً ...
اللعبة مضغوطة ع فيت جيرل و بعض المواقع
بمساحة 45 جيجا تقريباً .. و بعد التسطيب بتبقى 80 جيجا تقريباً
لازم يكون عندك نسخة وندوز 10 - 1903
إللى هو أخر تحديث .. لإن اللعبة مش بتشتغل إلا ع الإصدار دا
تعليقات
إرسال تعليق
سيب أستفسارك وهرد عليك يانجم