شوية كلام عن المؤتمر الى شركة Nvidia
كانت عاملاه لتقديم الجيل الجديد من كروت الشاشه
---------------------------------------------------------
إسم الجيل دا من الكروت هو RTX بدلا من الجيل القديم GTX
و هو إختصار لـ ( Real Time Ray Tracing )
نسبتا إلى التقنيه الجديده الموجوده .. و هى تقنيه فقط
مش نقله ف جيل الجرافكس نفسه
حاجه كدا زى hair works - rains
و اضافات nvidia ف بعض الجيمز و ما شابههم ...
بإختصار التقنيه بتقدم أساليب متطوره ف عرض الظلال و الاضائه
بتعرضهم بشكل مميز جدا و فيه اضافات و تحسينات كبيره مشفنهاش قبل كدا
مع إنها مبتبقاش واضحه من كل الزوايا .. بس اظن دى حاجه هتتظبط مع الوقت
التقنيه دى ليها تأثيرات كبيره جدا ف مجالات كتيره .. مظنش الجيمز أهمهم
التقنيه بتعكس الظل من ع كل حاجه ف الصوره .. كل حاجه حرفيا
يعنى بشكل أوضح مش هيبقى ف حاجه ثابته او مصمته
كله هينعكس و مسلط عليه إضائه واضحه
أكنك ف واقع و بتشوف بعينك المجرده و بدقه كبيره جدا
أكيد هتفيد مجالات تانيه .. زى المهندسين أو الدكاتره او الباحثين
أو أيا كان .. إلى بيحتاج إنعكاس أو رؤيه طبيعيه لكل مكونات البيئة المحيطه
و انا وصفتها بمجرد الاضافه ف الجيمز لإنها ف وجهة نظرى
مش جوهرية التأثير ف الجيمنج .. خصوصا لو جيمز فيها اكشن
و مؤثرات كتير و انفجارات .. وقتها مش هتبقى ملحوظه وسط كل دا
----------------------------------------------------------------
كمان الطريقه بتاعة الرندر نفسه بقت بتكنولوجى جديده بتقدم سرعه و أداء أفضل
غير طبعا إن الكروت بقت أفضل كـ هاردوير بشكل ملحوظ جدا
و أدائها بقى أقوى بنسبة كبيره من الجيل السابق
المعماريه بتاعة الكروت دى إسمها Turing .. و يقال إنها ف المطلق
أسرع 7 مرات .. من معمارية Pascal الخاصه بالجيل العاشر
-----------------------------------------------------------------
اتعرض ف المؤتمر 4 كروت فقط
3 كروت من فئة ال RTX - و كارت من فئه الـ Quadro
هنتكلم عن الكروت الى من فئة الجيمرز المفضله
-------------------------------------------------
1 / كارت / RTX 2070
الميمورى بتاعه 8 جيجا .. و سعره هيبتدى من 500 دولار
و يقال إن الكارت دا أقوى من 1070 ب 5 مرات تقريبا
2 / كارت / RTX 2080
الميمورى بتاعه 8 جيجا .. و سعره هيبتدى من 700 دولار
و يقال إن الكارت دا أقوى من 1080 ب 5 مرات تقريبا
3 / كارت / RTX 2080 TI
الميمورى بتاعه 11 جيجا .. و سعره هيبتدى من 1000 دولار
و يقال إن الكارت دا أقوى من 1080TI ب 7 مرات تقريبا
---------------------------------------------------------------------
حتى اخر لحظه و قبل إعلان الأسعار .. كنت شايف ملخص المؤتمر
مجرد money for reflections 😃
مش شايف تكنولوجى و نقله ثوريه .. مجرد قوة أكبر ف الهاردوير
و دا منطقى ..عشان إحنا بنتقدم .. فـ طبيعى هنقدم منتج أقوى
و طبيعى كمان عشان نعرف نبيع الجيل الجديد
لكن الى لفت نظرى .. هو الأسعار
لإن حتى رغم القوة إلى أضعاف الجيل السابق
فـ أنا هدفع فلوس أكتر عشان أجيبها .. فـ بكدا مفيش مميزات
لكن الأسعار جت مناسبه جدا بشكل غريب !
كـ مثال .. هنقول إننا هنزود 50 دولار ع سعر النسخ الـ Reference
عشان نجيب نسخه جيمنج محترمه نوعا ما
يعنى الكارت الـ RTX 2070 هيبقى ب 550 دولار
أى ما يعادل 10 ألاف و 500 جنيه تقريبا
و دا تمن بعض النسخ من ال GTX 1070 أصلا
الى هو اقل 5 مرات تقريبا من الكارت دا !!!
و دى طبعا صفقه فوق الممتازه و دمرت الجيل العاشر كليا
طبعا دا كله إعتمادا ع إن الأسعار دى متتغيرش لغايه ما تيجى مصر ...
--------------------------------------------------------------------
و الموضوع دا قالقنى جدا .. مش عارف اشوفه منطقي !!!
هل ف مبالغه منهم ف وصف القوه لـ الكروت و مقارنتها بالجيل السابق ؟
هل مش قصدهم الاداء العام كـ جيمنج ؟
هل بيتكلموا عن التقنيه فقط ؟ طب إزاى و دى أول مره للتقنيه أصلا !!!
هل الاسعار مش حقيقيه و هتعلي بشكل كبير ؟
أسأله مش واضح إجابتها حاليا .. لكن خلال شهور كله هيبان ...
-----------------------------------------------------------------------
شايف المؤتمر قدم التقنيه دى كـ تمهيد لنقلة كبيره ف الجرافكس هنشوفها قريب
الـ RTX كـ جيل كامل لسه منزلش بكل إلى عنده
هو فرح الكل بـ الهارد وير الجبار و بـ السعر المميز
لكن لسه التكنولوجى الجديده كليا .. هتيجى قريب و هتبقى حاجه خرافيه
------------------------------------------------------------------------
الكروت متاحه ف شهر 9 .. يعنى تقريبا هنقدر نشتريها ف مصر
ع شهر 11 و 12 .. و وقتها هتبقى متوفره بشكل كويس ف السوق
دا لو مفيش مشاكل ع استيرادها او ف الجمارك ...
----------------------------------------------------------------
لو الكلام عجبك .. لايك و شير
لو معجبكش .. إعتبره من وحى الخيال و لا يمت للواقع بـ صله
و لايك و شير برده .. متبقاش غلس 😃
تعليقات
إرسال تعليق
سيب أستفسارك وهرد عليك يانجم