ترشيح لـ لعبة / حكاية الوباااااء ، عا 😃
A PLAGUE TALE
أنصحكم بيها جداً .. لعبة رائعة فى المجمل
و تستحق جايزة كبيرة على الأصوات و المزيكا بشكل خاص
الجيم بلاى سهل و مميز .. مش هتتعب فيه
هتلاقى فيه جزء لازم تلعبه بالتخفى ، و جزء تانى فيه تفكير
كمان في غموض و أكشن طول الأحداث
بيحيطهم شوية كئابة و توتر على المشهد العام
الجرافيك مش عالى أوى .. لكنه حلو جداً ، و معمول بـ فن
و تعبيرات وشوش الشخصيات لذيذة و مش وحشة
الحوارات بينهم هتخليك تندمج معاهم و تتأثر
القصة و المشاهد الحوارية ، متصممة بإحتراف و دراما عالية
الأوبتميذ مش مظبوط أوى للأجهزة الضعيفة لو على جرافيك عالى
بس لو قللت الإعدادات شوية ، هتشتغل معاك بشكل مستقر جداً
التجربة ممتازة قياساً على إنها من إستوديو مش كبير أوى
مساحتها للتحميل مضغوطة / 11 جيجا تقريباً
و لما بتسطبها بتبقى / 40 جيجا
موجودة على كل مواقع الجيمز زى /
فيت جيرل - كور باك - سكيدرو
تعليقات
إرسال تعليق
سيب أستفسارك وهرد عليك يانجم