تمت المهمة بنجاح .. دلوقتى تقدر تعمل داونلود ل 1000 جيجا
فى أقل من نص ساعة .. يلا مستنى إيه .. إملى هاردك يا معلم
إيه جو الإعلانات الرخيص دا 😃
من لحظات بسيطة شركة SpaceX أطلقت 60 قمر صناعى
كبداية فى مشروع لإطلاق 4000 قمر صناعى تقريباً حول الأرض بالكامل !
وظيفة الأقمار الأساسية هى تغطية الكوكب و تزويده بإنترنت فائق السرعة
بالإضافة لمميزات كتير فى الباقات و العروض على الخدمة
و الجميل إن التكلفة هتكون رخيصة جداً ، و أقل من الإنترنت المنزلى أصلاً !!!
المشروع ضخم و فكرته رائعة ، و بقالهم فترة كبيرة بيخططولها
بس يا ترى هيوصلنا مصر ، و لا كالعادة ــــــــــــــــــــــــــــــــــ 🙁
كنت مأجل كلام فى الموضوع دا لغاية ما يتم إطلاق أول مجموعة أقمار
كان عندى هواجس إن الموضوع مش هيتم و الصاروخ هيفرقع 😃
بعيداً عن أى شئ الخطوة مذهلة ، و بتفتح الباب بقوة لحاجات كتير
من أهمهم / خدمات البث السحابى !
الموضوع إللى بيهدد مكاسب شركات الهاردوير و الكونسولز بشكل عام
هل فعلاً إتجاه الجيمنج هيتغير تماماً و يبقى كله CLOUD بفضل السرعات دى !
و لا الإنترنت الرهيب دا مش هيوصل لكل الناس و هيظهرله عوائق !!!
مع العلم إنه فى حالة إنتشار النت الفضائى
هنكون قضينا على كل البنية التحتية للإنترنت العادى بتاعنا
يعنى كابلات تحت المحيطات ، و شركات إنترنت ، و كابلات تليفونات
كل دا هيبقى ملوش أى لزمة ، و مش عارفين مصيره إيه وقتها !
عموماً .. هنعرف كل حاجة قريب بشكل أوضح
تعليقات
إرسال تعليق
سيب أستفسارك وهرد عليك يانجم