البرنامج دا تقدر تعتبره المساعد السحرى بتاعك
إللى بينجزلك كل حاجة فيها حوارات من أى حتة
بكل سهولة و بضغطة واحدة !
من الأخر كله أوبشنات و إنبهارات يا سادة 😁
-------------------------------------------------
WINDOWS 10 - MANAGER
--------------------------------------------------
أول إنبهار / تنضيف لـ التيمب و الجانك و كل الحشرات بتاعة الوندوز دى
بطريقة نضيفة بدون ضياع أى ملفات مهمة أو عك زى برامج النوع دا
لإنك بتختارله يعمل إيه و فين و بتخصص كل تفصيله هيشتغل فيها
بالإضافة لتظبيط الريجيسترى و برامج الإستارت أب
للى مش فاهم أوى ، من الأخر دى ترويقة و نعنشة كاملة للجهاز و مسح أى ملفات
ممكن تسبب بطأ أو أى مشكلة من أى نوع
--------------------------------------------------
تانى إنبهار / فيه أداة بتشيلك أى برنامج و تعمله UNINSTALL بشكل كامل
بكامل ملفاته و التفريعات بتاعته ف كل مساراتها
و دا ينفع جداً ف حالات البرامج إللى مش بتتشال بسهولة من ADD-REMOVE
--------------------------------------------------
تالت إنبهار / تقدر من خلاله تغير أيكونات السيستم بالكامل
سواء فولدرات عامة أو بارتيشنات ، أو حتى الملفات بكامل أنواعها
و فيه أوبشنز لكذا ثيم خاص بالوندوز و قوايمه
--------------------------------------------------
رابع إنبهار / فيه قايمة كاملة شبيهة ببرامج زي / AIDA 64 - HW MONITOR
بتوريك مواصفات الجهاز بالتفصيل و الحرارة و إستهلاك كل قطعة و تفاصيلها
تقدر من خلالها تجيب كل بيانات جهازك و تتابع حرارته و إستهلاك الموارد كلها
--------------------------------------------------
خامس إنبهار / تقدر تتحكم ف المحتويات بتاعة كليك يمين و القوايم الفرعية
و تعمل إختصارات زى ما إنت عاوز
--------------------------------------------------
سادس إنبهار / فيه أداة بترجعلك الملفات المحذوفة
--------------------------------------------------
سابع إنبهار / فيه أداة بتوريك إستهلاك الإنترنت و الداتا و متابعة النتوورك بشكل عام
--------------------------------------------------
تامن إنبهار / فيه أداة لنقل الملفات زى برنامج TERA COPY كدا
--------------------------------------------------
تاسع إنبهار / فيه أداة تقسملك الملف الكبير ع ملفات تقدر تجمعهم سوا
زي فكرة المواقع إللى تديك رابط مثلاً ع 10 أجزاء تفكهم يطلعلوك ملف واحد
دا نفس القصة و بيتيحلك تعمل التقسيمة دى أصلاً من البداية
--------------------------------------------------
--------------------------------------------------
و فيه إنبهارات تانية ممكن أكون مقلتهاش ، إكتشفوها و إنتوا بتجربوا البرنامج
و لو لقيتوا حاجة مميزة إكتبهوا و شاركونا ...
ممكن يكون فيه برامج كتير بتعمل الحاجات دى ، الموضوع مش أول مرة يبقى متاح
المختلف هنا إن كل دا متجمع ف برنامج واحد ، و كمان معمول بشكل إحترافى و سهل
الموضوع إللى خلى البرنامج دا فعلاً مليان حبشتكانات و إنبهارات مميزة
أنصحكم جداً تجربوه ...
تعليقات
إرسال تعليق
سيب أستفسارك وهرد عليك يانجم