ف موقف حيرنا شويتين
أثناء ما بنجيبلكم عجائب و طرائف من كل أنحاء العالم
لقينا معالج / i7-8700k .. بنفس سعر / i7-9700k !!!
عملنا ريفريش و إتأكدنا من السعر .. لقينا إللى شفناه كان صح !
------------------------------------
الموقف إللى بيطرح تساؤلات كتيرة جداً ؟
لما شوفنا البنشماركات كمتوسط نتايج
لقينا تفوق لمعالج الجيل التاسع بحوالى 7% كمجمل أداء
و رغم إن المعالج الاقدام بيكون فيه 6 كور و 12 ثريدز
لكن التاسع عوضها و تفوق كمان لإنه 8 كور و 8 ثريدز
و الاتنين بنفس عدد الكاش .. 12 ميجا
و نفس كارت الشاشة الداخلى .. uhd 630 !!!
------------------------------------
الهيبر ثريدنج .. هى كلمة السر
و اللى مش موجودة ف معالج الجيل التاسع !!!
بس رغم دا ما زال متفوق بفرق مش كبير أوى .. لكنه متفوق !
و يكفى إنه جيل أحدث .. و بيدعم تقنيات دعمها هيكون أطول !
فمعتقدش إنه حتى عدم وجودها هيوقع سعر معالج بالشكل دا ؟
------------------------------------
و هنا السؤال الأهم ، ليه الإتنين سعر واحد !!!
لإنه مهما كان من أسباب .. و حتى لو أدائهم زى بعض تماماً
فـ قمة الفشل التسويقى إنك تعرضهم بنفس السعر !
إنت كدا بتعترف رسميا إن ف حاجة غلط !
و بتوقع الجيل التاسع ، و تقول إنه فشل باعترافك ؟
و حتى لو دى محاولة بائسة إنك تبيع الجيل التامن
فـ أحب اقولك إنها حركة فاشلة و رخيصة برضو
أياً كان دماغ المتحكم ف السعر و السبب ف عرضه بالشكل دا
فهو تفكير غلط جداً و بيخلى الشركة ف قفص الاتهام
------------------------------------
أسالة كتيرة جداً .. و بعيداً عن مقارنات مع الفريق الاحمر
لكن بالكلام عن إنتل و منتجاتها فقط
هل الجيل التاسع مبيقدمش شئ جديد ؟ هل ميستحقش الشراء ؟
ليه أصلاً المعالج دا إتعمل بدون هيبر ثريدنج ؟
------------------------------------
إنتل مش عارفة تتفوق ع نفسها و تتطور من أدائها .. هل هتقدر تنافس ؟
تعليقات
إرسال تعليق
سيب أستفسارك وهرد عليك يانجم