معلومات سريعة مفيدة ♥
--------------------------
كل ما ألمس الكيسة بتكهرب .. إيه الحل !!!
---------------
دا بيبقى بسبب الكهرباء الساكنة إللى بتفضل جوا القطع الإلكترونية
أي جهاز كهربائى بيخزن شحنة جواه مهما كانت صغيرة
حتى بعد ما يتطفى بتبقى موجودة و مش كلها بتتفرغ
الحل ف الموضوع دا إنك تجيب سلك عادى خالص طرف واحد
و هتلاقى ف ضهر الكيسة مكان ما بتربط المسمار ف جمب الباب
فتحة صغيرة مدورة .. هتلف فيها طرف السلك النحاس و تأكده عليها كويس
و الطرف التانى تحطه ع الأرض ، و تحط فوقه حاجة تقيلة تضغطه و تثبته
بحيث يبقى لامس الأرض تماماً .. و بكدا نبقى عملنا طرف أرضى
و فرغنا كل الكهرباء الساكنة ف الجهاز و مش هنتكهرب تانى
و دا أفضل و أأمن ف كل الأحوال .. و لو إتكهربت ملناش فيه 😃
مع العلم إن أثناء التعامل مع أى جهاز كهربائي
من الأفضل تكون معزول عن الأرض و لابس كوتشي أو دايس ع حاجة
---------------------------------------------
الهارد ssd .. ليه الجهاز مش بينقل بسرعة !
كارت الشاشه 6 جيجا .. ليه الجرافيك مش كويس و بطئ !
الرامات 16 جيجا .. ليه حاسس بـ تهنيج كبير ؟
---------------
مبدئياً كدا لازم نعرف معلومة و هي /
إن الكمبيوتر بـ يشتغل بـ سرعة أبطأ حاجه فيه
بـ معنى إنك لو ركبت هارد ssd ع جهاز فيه معالج / كور تو ديو
الجهاز هيشتغل وينقل بـ سرعة البروسيسور القصوى فقط
و هيتجاهل سرعة الهارد ف المجمل ، بعيداً عن الشغل العادي ع الهارد
---------------
و لو ركبت كارت شاشه GTX 1080 ع بروسيسور i3 جيل تانى
رسوميات الجيمز هتطلع قدامك ع الشاشة بـ سرعة البروسيسور
مش بـ سرعة الكارت نفسه .. و هو ما يسمي ب / رقبة الزجاجة 😂
و هكذا بإختلاف الامثلة .. و دا مبدأ الكمبيوتر
---------------
بالظبط أكنك جايب عربية فيرارى و ماشى بيها ع المحور ف عز الزحمة
لا هتجري و لا هتستخدم قوتها ، و لا هتجيب فيراري أصلاً مش هنحور 😃
فبالتالي هتمشى بـ بطء غصب عنك حسب الطريق
عشان كدا لما تيجى تختار .. لازم تراعي الموضوع دا
و إسمه العلمي / عنق الزجاجة .. ببساطة / متخنقش الوَحش و تقيده
مفروض تختار كل المواصفات متناسقة مع بعضها
و مفيش تفاوت ف القوة بين أى قطعة و التانية
---------------
لو جيبت كارت شاشة ، تشوف هل هيبقى متناسق مع البروسيسور و لا لأ ؟
و هل الرامات مناسبة للجهاز ككل و لا لأ ؟ .. و هل الهارد مناسب ، و هكذا
و ف مواقع كتير بتقيسلك الموضوع دا .. سيبك منها لإنها بتخرف كتير 😃
تعالى إسألنا هنا أفيد ليك و الله ♥
و ممكن عن طريق إمكانيات كل قطعة ، تقيس إنت بنفسك و تقارن بينهم بسهولة
ف حاجات بتبقى منطقية كدا بشكل ظاهري و مش محتاجة بحث كتير
زى مثلاً جهاز بنتيم 4 ، مع كارت شاشة RTX 2060
إللى هو و ربنا ما أنا رادد 😂
---------------
و لازم حتى لو الكيسة بكل مكوناتها متناسقة ؟
تشوف أخيراً الشاشة ، هل هتقدر تعرضلك الصورة بـ الجودة المناسبة و لا لأ !
و هكذا قياساً ع كل قطعة ف الكمبيوتر ...
---------------------------------------------
لو الكلام عجبك ، لايك و شير
لو معجبكش إعتبره من وحي الخيال و لا يمت للواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم