ف أخبار إن شركة MSI أعلنت دعم معالجات رايزن جيل الـ 5000
ع كل البوردات من نوع B450 - X470 !!!
و النسخ العادية كمان مش الـ MAX فقط
الموضوع إللي فاجئني شوية !
نظراً لكلام كتير عن البيوس و حجمه و إحتياجه ف الجيل الجديد
و قدرته ع إنه يشتغل بشكل سليم بالكامل مع التحديث دا
عموماً الخبر مؤكد بشكل كبير
و بالتبعية كل الشركات أعتقد هتعمل كدا
لإن من فترة كان ف محاولات من بعضهم و تلميحات لـ الدعم
-----
و بكدا رايزن تبقى نفخت الكل بشئ محصلش قبل كدا
و عملت بوردة مُصنفة للفئة الإقتصادية و المنخفضة
زي الـ B450 ، و قدرت تشغل عليها 4 أجيال للمعالجات !!!
RYZEN - 1***
RYZEN - 2***
RYZEN - 3***
RYZEN - 5***
هنشوف الإستقرار و مشاكل السوفت وير أو البيوس بشكل عام
بعد تجربة فعلية للأداء بشكل كامل سواء ع بوردة MSI أو غيرها
وقتها هنحكم و نقيم الموضوع بشكل عام ، هل فعلاً المستخدم إستفاد
و لا هو مجرد تعويض غير مكتمل الأركان لحين شراء بوردة جديدة
----
بس لحد اللحظة دي ، الحاجات دي مُبهرة جداً
و بتورينا إن الشركة مش غرضها بيزنس فقط
لأ ، دي بتثبت إسمها كـ عملاق كبير ف السوق
هيبيعلك لإنه بيقدم ميزة إنت محتاجها ، مش لإنه بيجبرك ع الشراء
و كمان أثبتوا إنهم قادرين ع التلاعب بـ السوفت وير ، لتحقيق أي نتيجة
شابوه AMD
----
لو الكلام عجبك ، لايك و شير
لو معجبكش ، إعتبره من وحي الخيال و لا يمت لـ الواقع بـ صلة
و لايك و شير برضو ، متبقاش غلس 😃
تعليقات
إرسال تعليق
سيب أستفسارك وهرد عليك يانجم