إللي مبيحبش القراية ميكملش
و يدخل البلكونة يشرب فنجان قهوة أحسن 😃
-----
عدنا إليكم من جديد 😃
بحب إقفش زومبي ، بتفكرني بـ جو الـ 300 سبارطة 🤣
-----
الموضوع مش شخصي إطلاقاً ، عشان القموصة 😃
كل المذكورين ناس زي الفل ، و ليهم كامل الإحترام
الكلام كالعادة من منطلق تخصصي و شهادة حق
أنا معرفش حد بشكل شخصي ، و لا بيني و بين حد مشاكل
و حتى لو واحد صاحبي و بيعمل كدا ، هقوله نفس الكلام
زي ما قبل كدا نقدنا إتنين من أكبر القنوات التقنية عدداً
و شركات و تجار بيبيعوا ، برضو نقدنا ناس صفحاتهم 50 لايك
و إحنا منعرفش أصلاً أي حد فيهم
أنا مش بعتمد أسامي 😃 .. المبدأ واحد 😎
إحنا بنكون ع حق ، و بنمنع أذى عن الناس ، و دا المهم
و لو حد عنده حُجة منطقية ، يرد و يناقشنا
و إللي يعرف يفرجني يخرجني 😅
------
البوست دا كان متأجل بقاله فترة
لغاية ما أفضى شوية و ألقي نظرة فاحصة
ع كل المحتوى بتاع الناس دي
بحيث مبقاش قلت كلمة فيها ظلم لحد
----
مبدئياً كدا قبل التفاصيل العميكة 😃
نبذة عن الموضوع /
أي قناة بتاعة موبايلات ، أي حد بتاع موبايلات
أي حد محتواه ، إنظر إختراع عجيب جايبه من الفضاء
أي حد محتواه / تجميعات و أخبار فقط
معندوش محتوى تقني كامل مفيد
الناس دي ملهاش أدنى علاقة بـ مجال الكمبيوتر بشكل عام
سيبك منهم و متسمعش لأي شئ يقولوه
نقطة و من أول السطر ــــــ
------
كل الناس دي ما هم إلا واجهات لـ شركات ( مرتزقة )
تقدر تعتبرهم من أنواع / البروموتورز
و زي ما قلنا قبل كدا ، دي فئة ملهاش أمان و لا مصداقية
-----
الواحد بيشوف حاجات يعني ، حسبي الله و نعم الوكيل
صاحبنا بيعمل مراجعة لـ لاب ، 90% من مدة الفيديو
بيقول شكله حلو و جيمنج أوي ، و مقالش حرف واحد مفيد
لإنه للأسف مش فاهم و اخره الموبايل كاميرته إيه و بس !
و التاني عامل لايف بيرشح لـ الناس تجميعات كلها تقريباً براند واحد !
و عامل له سبونسر ، و ف الأخر يقول / يارب نكون ساعدناكم !
و التالت بيقول ع مكونات الكيسة من جوا SOC !!!
و الرابع عامل لايف يساعد الناس ف إستفسارات تخص المجال
و هو مش عارف يجمع معلومة تقنية واحدة و لا يشرحها لحد أصلاً
و لايف كوميدي بإمتياز متطلعش منه بإستفادة
و مسخرة للصبح يا شقيق ، حاجات كدا يجيلك ذهول و إنت بتشوفها
----
دايماً بعتبر أسهل شئ ف مجال التكنولوجيا هو عالم الموبايلات
و أي حد يقدر يشتغله و بسهولة كمان ، مش محتاج دراسة
أخرك خبرة عملية و خلاص هتدوس ، دا رأيي الشخصي
أهـ الناس دي بتتعب ف محتواها
و إنها تجيب موبايلات و تتابعها و تجربها ، دا شئ له تقدير
و بنحترم مجهود أي شخص ف أي شئ مفيد مهما كان
لكن تعليقي بحكم المقارنة بـ جزأ الكمبيوتر ف مجال التكنولوجيا
----
ليه التطفل ! إنت ليك محتواك الخاص ، خليك فيه
ليه تتدخل فيما لا يعنيك !
ليه الشركات الكبيرة المتأخرة عقلياً ، بتدعم الناس دي !
شركات حرفياً ال CEO بتوعها بياعين ف العتبة ، مش إداريين
و عشان كدا أغلب وكلاء و مديري الشرق الأوسط ، واقعين !
ناس مش فاهمة هي بتدير إيه ، بيلهثوا وراء الترند و الأرقام فقط
مش بيشوفوا مين بيقدم إيه ، و لا بينتقوا إللي هيبقى واجهة مشرفة
مفيش فكر واعي زي ما بنشوف برا
لاينوس ، و جيمرز نيكسوس ، و غيرهم
و ناس محترفة ، ملهمش عزيز غير المحتوى و القيمة
لكن عندنا ف الشرق الأوسط و خصوصاً مصر ، كل شئ للبيع
الجهل هو الراعي الرسمي ، و الفهلوة هي المسيطرة
هنا يُوكل الأمر لغير أهله ، هنا يتحدث الرويبضة 🙁
------
يعني مش كفاية كل اللوكيشنات و طرق التصوير بتاعتكم مسروقة
من مراجعين أجانب مشهورين و غير مشهورين
و إحنا رضينا و قلنا عادي ، المهم المحتوى
تيجوا كمان عند المحتوى و تستهبلوا فيه ، طب إنتوا لزمتكوا إيه ؟
------
صدقني الناس دي واخدة حقي و حقك و حق أي شخص مبدع و مثقف
ف إنه ينتشر و يوصل و ياخد مكانة كويسة
ميختلفوش عن الحرامية ، بس السرقة ف الزمن دا ليها مظاهر مختلفة
----
الواحد بيزعل جداً لما بيشوف قنوات و أشخاص قمة ف الإحتراف
مش عارفين يوصلوا و يتشهروا و يجيبوا أرقام و ياخدوا حقهم
عشان / إنظر إختراع عجيب من الفضاء جايب 500 ألف مشاهدة
و إنظر كارت شاشة برنس هيشغلك كل الجيمز جايب مليون
محتوى التيكتوك و أحمد حسن و زينب و غيرهم
إللي تطفل ع عالم الكوميديا بشكل سخيف و رخيص
و سمى نفسه كوميديا و محتوى أصلاً
موجود كذلك ف كل المجالات ، حتى ف التكنولوجيا
عندنا أحمد حسن و زينب التكنولوجيا ، و الخليل كوميدي التكنولوجيا
عندنا كل شئ ف العالم الموازي يا فندم ، قرب قرب قرب
------
كل شخص ف الدنيا دي لازم يدرك قدراته العقلية و البدنية
و يمشي بنائاً عليها و يحاول ينميها ، مش يرفضها و يكابر !
دا هيحللك كتير أوي من مشاكلك و نفسيتك ، لو فهمته
يعني مبقاش زي الريشة ، و أنزل أتخانق مع البيج شو !
و كمان مبقاش جاهل بشئ ، و أفضل أهري بكلام غريب !
كلنا جهلة ف غير مجالاتنا ، كلنا ضعفاء ف نقاط معينة
الكمال لله وحده ، لكن برضو رحم الله إمرئ عرف قدر نفسه
نتعلم و نساعد بعض ، و مش هنتريق ع حد و هنحترم الكل
كل دا جميل جداً ، و دا الطبيعي بيننا كـ بشر واعيين
لكن لما تلاقي متطفل جاهل وقح
لا هو قوي بدنياً و لا هو قوي عقلياً
و جاي يتكلم ف شئون متخصهوش و لا هو فاهمها !
و بيغلط فيك لو نقدته ، ع طريقة / متقدرش 😃
وقتها بتدعي ربنا يلهمك الصبر و الحكمة
للتعامل مع النوعيات دي 😱
------
لو الكلام عجبك ، لايك و شير
لو معجبكش ، إعتبره من وحي الخيال ، و لا يمت لـ الواقع بـ صلة
و لايك و شير برضو ، متبقاش غلس 😃
----
تعليقات
إرسال تعليق
سيب أستفسارك وهرد عليك يانجم