تسريبات كتشيييير عن الجيل الجديد للكروت
تعالوا كدا ندردش سوا ...
-------
و أنا إللي كنت زعلان من كروت RTX
و بقول إنها بـ تستهلك كهربا عالية ⚡️
بصوا خلينا نتكلم كـ خبراء و فنيين 🧐
لما نشوف ع الورق كارت زي 3090 RTX
بياخد كهرباء 350 وات .. و ممكن توصل لـ 400 وات !
و بعض النسخ منه وارد تيجي ب 3 وصلات ف 8 بن !
و نقارنه بـ كارت زي RTX 2080TI
إللي بياخد باور 250 - 260 وات
و أخره وصلتين ف 8 بن !
-----
هنلاقي إن الإستهلاك طبيعي قياساً ع فرق القوة المتوقع !
لإننا مينفعش نبص ع الإستهلاك فقط و نهمل حاجات تانية
زي الميموري سبيد و الكلوك ، و الرام ، و عوامل كتير
بس برضو يا بشمهندز إحنا مفروض بنتقدم و بنخفض إستهلاك الكهرباء
أومال لامؤاغذة المعماريات الجديدة دي عاملينها ليه !
ما طبيعي إنها تديني أداء أقوى و إستهلاك كهربا أقل
و هنا بلاقي نفسي مش عارف أرد و جيبت ، ERROR 404 🤣
----
الموضوع غريب شوية ، بس زي ما إتكلمنا من بداية عصر الإنعكاسات
و قلنا إن الكروت دي بتاخد كهرباء مش قليلة و إن مكنتش أوووفر
بس دا كان واضح جداً مقارنةً بـ جيل زي العاشر مثلاً
و أعتقد السبب هو المعمارية نفسها و تقنية ال RTX 😎
بس برضو مينفعش نيجي ع الكارت الأضخم ف الفئة
و نقولي الكهربا بتاعته مش عارف إيه ، ما دا طبيعي جداً
و بعدين إنت أصلاً مش هتشتريه ، ف متزعلش أوي
حطمت أمالك ، أني أسف 😂
-----
الكارت زي ما شايفين بييجي ب 24 جيجا رام !
غير وحدات الطاقة و الليلة الكبيرة المحطوطة جواه
و التسريبات إللي نزلت بعد شوية إختبارات مبدئية
بتقول إنه هيكون أقوى بـ 50% من RTX 2080 TI !
إللي هو إستغفر الله العظيم يعني ، الغلابة يا إنفيديا 🤣
----
المهم و إللي ناخده من القصة القصيرة الحزينة دي
1 / إن ف جيل جديد نازل من الكروت ، جيل قوي
هيحتاج باورات متقلش عن 500 وات ( نضيف ) ف أغلب الفئات
و متقلش عن 700 وات ( نضيف ) للفئات العالية ⚡️
---
2 / ف كابلات 12 بن ، حتة واحدة ، نازلة للكروت
و لو عندك كابلين ف 6 ، هنمشيهالك متزعلش 🥶
---
3 / ف كروت هتاخد 3 وصلات ف 8 بن ، لأول مرة 😲
---
4 / ف كروت الميموري بتاعتها / 24 جيجا
و باندويدث أكبر من / 900 جيجا ! ☠️
---
5 / الكروت حجمها الخارجي كبير شوية عن الجيل السابق
نظراً لزيادة المكونات الداخلية إللي هتغير كذا حاجة ف التكوين
منها طريقة التبريد ، و فرق الهاردوير ككل
------
توقع و تخمين شخصي إن السوق هيكون محسوم لـ 3 كروت
الفئة المتوسطة RTX 3070 بالمناصفة مع RTX 3060
لما ينزل أصلاً ، دا لو موجود 😃
الفئة العالية - RTX 3080
و أقل المبيعات و الإنتشار لباقي الكروت
و دا قياساً ع المعلومات المُسربة ، و التوقع الشهابي
و كل ذلك ما هو إلا تخمين و دجل و شعوذة 😉
------
و طبعاً هيكون موازي للجيل دا ، جيل من المعالجات
و هيكون قدامهم الناحية التانية ، جيل من الجيمز
كله هينزل منتجاته ف الملعب و هنشوف الأداء
و هتبقى مدعكة يا شقيق 🤪
-----
و من موقعنا هذا نطالب بوجود جيل جديد من طرق الدفع
يسمح لنا بشراء هذه المُحرمات عن طريق الشغف و الحب 😍
و ليس بواسطة العملات العادية 🤣
--------
لو الكلام عجبك ، لايك و شير
لو معجبكش ، إعتبره من وحي الخيال ، و لا يمت لـ الواقع بـ صلة
و لايك و شير برضو ، متبقاش غلس
-----
تعليقات
إرسال تعليق
سيب أستفسارك وهرد عليك يانجم